荳子 (新城市中央廣場)

营业中

休息中

成日同朋友嚟行IKEA，行行下见饿见到有间Beans, 就入黎食个晚餐再血拼。晚餐嗌主食送嘢饮有热柠蜜冻柠蜜同埋黑糖姜茶，其他嘢饮可以正价减$8，选择都唔少。我哋嗌咗一个开心果pizza同埋黄金蟹肉意粉。开心果pizza有厚厚cheese同埋开心果碎，另外有碟蜜糖另上，配搭非常香甜。开心果碎略嫌稀疏，杏仁味唔够出众。如果可以多啲口感会丰富啲。Pizza底松脆，唔会太难切开。黄金蟹肉意粉有惊喜，佢用忌廉同埋咸蛋黄做酱，个酱完美地挂起啲意粉上面，入口完全食到咸蛋黄嘅香味。加上拆咗肉嘅蟹肉，既鲜甜又咸香。不过个蟹盖真系一个蟹盖，好干净。我哋都嗌咗少甜，食完个芝士开心果pizza，少甜嘅热柠蜜可以解油腻。服务方面店员唔系好出声，有时行过加水或者摆低食物，会唔知佢喺隔离😂但系都好贴心，杯水少咗会即刻加水。如果可以提醒一句放低食物会更好。