粵翠軒 (已結業)

間唔中都要做孝子，就趁星期日同老媽到附近食飯，西門町無乜得揀，無理由同老媽去食西餐，那就到翻新無耐的粵翠軒試下。 依然是美心旗下集團，但轉了Max Concept經營，裝潢、菜式甚至服務都翻了一翻，當然翻了並不代表好，但總好過十年如一，就服務而言，質素確是改善不少。　　翻開餐牌，菜式同旗下的「八月花」差不多，雀籠點心亦不再是「八」的專美，但來食晚餐打死不會點這好點子，因為早前已經試過多次，還是「冰冷冷」的「試食品」。　　老媽要清淡，問她要牛腩，「不！」；豆腐呢？「不！」；魚呢？「不！」；那餐牌給妳，妳點吧，「不！」，不明所以，原來無戴眼鏡，看不清．．．．．．無奈地，知她老人家愛吃雞，就要了炸子雞，前菜要海蜇頭、來多兩個羹，餐送兩杯飲品。　　海蜇頭用麻油醃過，滑dodo的，加點芥末，算係咁，老媽說無味道，當然海蜇頭本身就無色無味，就靠麻油吊味；蟹肉羹$34位，竹笙蟹肉底下墊蛋，湯底唔算特別，但$34既貨仔，算係咁；而炸子雞，$98半隻，老實講，唔平，而賣相完全唔對路，雞皮炸得死實實，皮乾脂肪盡去，夠健康，但淡出個鳥來，一分錢一分貨，還老上海的好。　食到最後，叫了碗飯給老媽，自己要了碗生