富田和食亭 (已結業)

去完蓝田探朋友，大家一齐落楼食饭。朋友话带我去食放题。我即刻打个突，乜原来蓝田呢d商场仔都有日式放题食！仲以为我地果晚要去大排档打冷添。店面红色为主，好易揾。成人价钱两百蚊多d，某d时段仲两百蚊有找添！都可以话系平绝全九龙喇！放题纸上选择都唔少，各式各样都有。佢地好贴心，会有分头单同加单。头单会优先制作，唔会要食客饿住肚等太耐。野食方面，分为以下几大类：《刺身》三文鱼同甜虾最好食，鱼肉厚切啖啖肉，甜虾好大只无雪味非常鲜甜。其他都一般般，虎虾稍为薄左少少，质感有d怪。《寿司》寿司饭调味唔错，少少酸少少甜，几开胃。但系比例方面控制得未够好，饭太大旧，好轻易盖过饭面既肉味。《烧物》我地只叫左三款，但都好出色。西冷牛扒高质，好有牛味，只系薄切左少少。羊肉半肥瘦，几Juicy。猪颈肉爽爽地，好香口。《焗蚝》焗蚝有两款拣，分别系芝士同蒜蓉。个人钟意食芝士多d，表面好香口，咬落好软滑，啖啖芝味。《炸物》炸物都算系惊喜既地方，佢地用新鲜油炸，唔用万年油，所以入口唔热气。炸粉亦唔太厚，无盖过食物口感。最后天妇罗、煮物同串烧，一般般啦，无咩惊喜。呢一晚食到非常之饱，虽然食物唔算非常惊喜，但蓝田有日式放题本