小草十八怪石鍋米線 (已結業)

朋友介绍呢间食物多选择又有质素。下午茶时间上到去唔算多人，卡位任坐。餐牌果然好多选择，米线到打边炉，笼仔饭到串烧，一定有样野岩食。QR Code 下单方便快捷，荷叶饭选择左鸡肉冬菇。黎到系好大份香喷喷，可以随自己喜好加甜豉油增加咸味。鸡好滑，不过小心有碎骨，冬菇炆过都好入味。另外仲叫左好多串烧分享食，非常过瘾。首先推荐烧原条茄子，大大条面头超多香蒜茸，食落好香口惹味。再叫左既半打烧生蚝都好值得推荐，呢个价钱已经俾我想像中要大只好多，浸住生蚝汁好鲜甜，性价比高。