影片
更多
2021-01-29
457 浏览
🫖笼太子虾饺皇 *2只 $15食虾饺最怕食到成口粉，但呢到嘅虾饺无呢个问题，而且的确几惊艳。睇相都见到啲只只虾饺涨卜卜，食落饺皮薄又弹牙，而且料多，入面应该有差唔多2-3只虾嘅份量。值得称赞嘅系，啲虾唔会有冰鲜味，反而食得出鲜甜虾味，咁嘅水准真系出面比较少有，大力推介！👅评分：9/10🫖鲜虾烧卖皇 *2只 $15烧卖同虾饺一样，皮薄馅靓，同样食到啖啖鲜甜虾味。烧卖入面嘅冬菇同肉类都十分入味，但出面部分茶楼都做到呢种质素，所以同虾饺对比上嚟，烧卖就冇咁突出。👅评分：8/10🫖多汁小笼包 *4只 $22一啖咬落去就有好多汤汁咇出嚟，同其他点心一样，都系皮薄多馅，以呢个价钱嚟讲性价比唔差。但比较特别嘅系，小笼包嘅汤汁有阵比较浓嘅姜味，灌入喉咙会有少少㷫㷫地嘅感觉，不过对于唔食姜嘅我嚟讲都尚算可以接受，如果好抗拒姜味嘅就要留意下喔。👅评分：7/10🫖流沙奶黄包 *3个 $24叫得流沙奶黄包，就梗系会希望见到爆馅嘅奶黄浆啦。一撕开个包，见到奶黄浆都有流出嚟，但食落都会觉得有少少干，如果馅料再多啲会比较好。奶黄味偏甜，如果钟意咸香奶黄味嘅就可能会比较唔适合喔。👅评分：6.5/10🫖不是炸两 $26
食虾饺最怕食到成口粉，但呢到嘅虾饺无呢个问题，而且的确几惊艳。睇相都见到啲只只虾饺涨卜卜，食落饺皮薄又弹牙，而且料多，入面应该有差唔多2-3只虾嘅份量。值得称赞嘅系，啲虾唔会有冰鲜味，反而食得出鲜甜虾味，咁嘅水准真系出面比较少有，大力推介！
👅评分：9/10
🫖鲜虾烧卖皇 *2只 $15
烧卖同虾饺一样，皮薄馅靓，同样食到啖啖鲜甜虾味。烧卖入面嘅冬菇同肉类都十分入味，但出面部分茶楼都做到呢种质素，所以同虾饺对比上嚟，烧卖就冇咁突出。
👅评分：8/10
🫖多汁小笼包 *4只 $22
一啖咬落去就有好多汤汁咇出嚟，同其他点心一样，都系皮薄多馅，以呢个价钱嚟讲性价比唔差。但比较特别嘅系，小笼包嘅汤汁有阵比较浓嘅姜味，灌入喉咙会有少少㷫㷫地嘅感觉，不过对于唔食姜嘅我嚟讲都尚算可以接受，如果好抗拒姜味嘅就要留意下喔。
👅评分：7/10
🫖流沙奶黄包 *3个 $24
叫得流沙奶黄包，就梗系会希望见到爆馅嘅奶黄浆啦。一撕开个包，见到奶黄浆都有流出嚟，但食落都会觉得有少少干，如果馅料再多啲会比较好。奶黄味偏甜，如果钟意咸香奶黄味嘅就可能会比较唔适合喔。
👅评分：6.5/10
🫖不是炸两 $26
本来见到个价钱同鲜虾肠粉差不多，觉得呢个炸两比较贵，但食落又真系有surprise。入面唔系摆传统嘅油炸鬼，而系类似千层酥咁脆卜卜嘅口感，入面仲酿咗鲜虾馅。食落口感多层次，先系弹牙嘅肠粉，中间再食到脆脆嘅裹层，入面就有弹牙嘅虾馅。整体味道配搭得啱啱好，三层食物互相衬托，唔会抢走互相嘅味道同口感，值得一试！
👅评分：8/10
🫖香煎萝卜糕 *3件 $22
饮茶必叫嘅萝卜糕，外层就煎到少少焦脆，入面食到一丝丝嘅萝卜口感。味道不俗，但出面茶楼大部分都食到呢个质素，所以唔算太特别。
👅评分：7/10
茶位$3/1位，另收加一
Overall嚟讲食物质素几好，价钱都唔算太贵，有一定嘅CP值，如果想过下点心瘾都系不错嘅选择呀！
不是炸两
$26
17 浏览
0 赞好
0 留言
流沙奶黄包
$24
24 浏览
0 赞好
0 留言
张贴
