泰潮 (嘉咸街) (已結業)

今晚放工约左个同朋友去中环嘉咸街泰潮食晚饭，皆因之前上openrice 介绍呢度系米之连泰菜餐厅，而且价廉物美，所以一早已经决定有机会一定要黎食下😋。疫情下，餐厅都做足功夫，量体温同擦搓手液都要做足先可以入餐厅内，同时安排坐位都要隔一张枱，所以食客都食得安心又放心😃。今晚同朋友各自一人order左一人套餐😋。🐔米之连海南鸡饭（配：泰式清鸡汤、上汤时菜、泰式奶茶）黎到呢度一定要食呢个米之连推介，先讲饭底，粒粒米饭🍚都充满油润鸡油饭香味，但一d都唔会觉得腻；而鸡非常有鸡味，鸡皮够晒薄，我都好放肆，忍唔住蘸埋个泰式酱，连皮都食埋😋，整体黎讲成碟饭非常满意👍🏻。🍜冬阴功猪肉丸汤金边粉 （配：串烧猪颈肉，店员好好，送一碗清鸡汤比我地😄）每次去任何一间食泰菜都好，冬阴功汤每次都必选。呢度冬阴功汤底味道正宗得黎唔太辣，相信系要迎合番香港人口味而作适当调教，而猪肉丸弹牙兼猪肉味浓，而且仲有三大只🦐，鲜甜爽口，成碗粉朋友连汤都清埋😋。最后仲有一个椰汁味甜品，口感好似大菜糕，椰味重但唔太甜😋好味。总括黎讲，每人都系$90倒就食倒米之连级数晚餐😋，大满足👍🏻