米子燒肉家 (已結業)

今日经过粉岭，限聚令嘅刚刚放宽，周街都系人大家蠢蠢欲动忍唔住约朋友食晚饭聚一聚。刚好经过粉岭中心地下，喺门口都闻到香喷喷既烧肉味一于入去试一试！店内宽躺多座位，整体都系干净企理。入门先量体温登记安心出行，扫针卡然后就拣食烧肉定系食丼饭。今次我地先试烧肉，款式都好多，主打美国同澳洲牛，仲有日本和牛！最后拣咗澳洲烧肉盛盒套餐300g同米子人气牛控套餐200g。澳洲烧肉盛盒套餐300g每款都可以自选泡菜或者沙律，和包括日本昆布汤。套餐包括m3牛肋条，m2牛颈脊同封门柳。款款呈鲜红色，肉味浓烈而且小编最爱封门柳！肉香口感淋，好少食烧肉食到呢个位置！必试米子人气牛控套餐200g包括美国牛小排同澳洲臀肉盖，臀肉盖油脂分布相对冇咁多但肉味好香口感有少少似封门柳。牛小排简直无懈可击，油脂分布比较多，但系最惊喜嘅系佢肉味非常重，坊间一般嘅牛如果油脂分布多嘅话都系好油腻冇乜味但系米子既牛小排味道确实惊为天人！仲有多款配菜例如牛舌同埋丼饭今次都冇机会试食，因为一个套餐已经够晒饱肚！下次要分开叫其他人试多啲！