雲桂香米線專門店 (已結業)

喺公司OT之后，谂住加啲𩠌带返屋企，之前喺呢度食过，记得佢哋都有好多唔同嘅小食配搭，所以嚟呢度买外卖返屋企加𩠌。超大只嘅云吞，尺寸系平时嘅1.5倍，个云吞皮冇因为尺寸大左而加得厚咗好多，仍然算系簿，馅料好多，感觉新鲜，好似国内人咁样云吞变咗主食添，都几饱肚。酱伴皮蛋，第一口食落觉得几辣，但食落去之后感觉辣到慢慢减少，麻辣酱味道调得唔错，后来我仲用麻辣酱伴云吞食，有少少似红油抄手嘅感觉。秘制猪颈肉，猪颈肉不嬲都系水准最稳定嘅肉之一，加上泰式鸡酱，好似变咗泰式猪颈肉的味道，不过都唔错。