魚米家魚湯米線 (已搬遷) 新店位置

平时只是与两三个朋友o黎食，今次难得有六个人，所以唔叫米线，拣D特别的可以一齐食。金沙鱼腐-所谓金沙其实是咸蛋王，蛋王味好淡，好像只是在唇边轻轻带过。咕噜鱼腐-除咕噜肉、鸡球、虾球外，连鱼腐都可以咕噜。甜酸汁做得不错，与鱼腐好夹。镇江小排骨-闻落是好劲的醋味，酸得有点刺鼻。食落就唔太酸，而且排骨好入味。砵仔猪软骨生根-生根最好食，因为吸晒D汁的精华。猪软骨都唔错，不过较多肥膏。金银蛋苋菜-是汤浸的，咸蛋及皮蛋份量唔少，苋菜亦唔老。京葱烧羊鞍-好有羊味，反而京葱就唔够香。芫茜鱼片皮蛋汤-我冇饮。落单时要求多芫茜，到上时有点货不对版。咖哩海鲜炒饭-炒得唔错，咖哩味唔算太浓，但食落有种咖哩的香味。而饭又炒得够爽身。第一次食米线之外的小菜，我觉得比米线做得仲好。