一品螞蟻

营业中

休息中

因为要外岀工作，经过黄大仙，于是就开始我地既迟来的午餐。因为坐底已经两点几三点，人流不太多，侍应安排左我地坐卡位，所以就算当日拎住大包小包都坐得好舒服。餐厅系新开，花牌都未拎走晒，装修新簇，坐位间亦空间十足。我同同事都叫左个越式香茅猪扒汤河，免费转米线，汤底选椰香海鲜汤，餐饮跟热柠水。唔使5分钟，猪扒米线送上。厨房细心地将猪扒切条另上，以免食时整到成嘴都系油，同时又唔会被汤浸到冇味，虽然呢个只系小举动，不过对女仔黎讲系加分位😁猪扒带有微微的香茅味，可惜分量小左d, 米线软硬度拿捏得准，分量十足，一个女仔系食唔晒，椰香海鲜汤的确饮到有椰味，除此之外系冇味，唔够咸，海鲜味小小都冇。请店员俾左d类似辣椒酱既酱我地，不过可能呢度唔主张食咁重味，所以就算加左好多酱都冇乜味。建议店家或可将价钱稍微调高小小，加多小小猪扒，个汤加返小小调味。