信得過 (已結業)

星期五晚9点冇乜人，极速上菜。猪润米线：$56个汤好好饮，一边食一边饮汤完全觉得唔够汤!!最重要佢唔咸，饮到底都唔觉得口喝。米线好弹牙，好滑。不过份量好似有啲少？我算细食，但都真系唔太够食⋯⋯猪润系招牌菜，碗入面大小共6块，中薄一片，颜色淡淡几靓，食落系爽口的，冇苦味，有猪润香但唔算浓。我自己比较钟意厚肉粉感香香的猪润，同桌觉得好正好好食，仲赞到佢可以媲美鹅肝⋯⋯口水鸡：（食落算中小辣？）我唔算好食得辣都食到，有麻味。我觉得最好系啲鸡好少骨，啖啖肉，鸡皮薄冇咩脂肪，不过肉质唔算滑。半只鸡都几细，得几旧就$78⋯⋯白饭仲要另加$10 好细一碗咋，口感有点硬。冰室feel但收茶位钱$2位 平过收加一嘅，有主动添茶以呢个价钱来讲唔算好特别，如果钟意饮汤都可以过嚟试吓。