麻吉

营业中

休息中

金汤酸菜鱼米线汤酸辣适中（中辣），个味道唔会好抢唔系死咸死辣，汤饮落有麻香，鱼片滑，米线（堂食）淋少少弹牙，做得唔错。加左一份牛展（3片），炆得够淋够卤水味。猪大妈米线蕃茄酸辣汤底小辣，蕃茄味浓有茄粒，腩肉片，猪润，大肠，普普通通，个汤冇酸菜鱼咁浓。套餐小食：口水鸡，尖椒皮旦，酱够味小辣普通冇乜特别，青瓜丝垫底，应该浸过水，青瓜丝好淡口唔爽，皮旦上有一匙羹蒜泥，如果唔打咁蓉又咁重油应该会冇咁漏！小店可以一试，食完唔太口渴。题外话，落左单见到总数$199，问职员唔系拣套餐小食＋饮品会平d？答得有少少不耐烦……你落单前要讲/写明……第一次嚟食我会知道？？？落单用胶片写，支marker又粗又难写……我真系写唔到成个小食名……基本落单都会问下个客啦；小店食物做得和和可可（冇连锁店咁重味精＋酸味抢喉），开放式厨房师傅望出嚟见到客都会点下头，店员有dd服务态度都会好d丫！！佢有帮我改番做套餐，我估可能散叫会大份d啦，唔识自己问客……比起连锁店好食，相对米线份量冇咁多，价钱就差唔多。