源味開元米線 (已結業)

原本以为呢间餐厅净系食米线，点知一入餐厅，几乎坐满人，见到枱枱唔是食紧鸡煲就系食紧烤鱼。见到咁受欢迎，店员推介鲈鱼，因为佢比鲩鱼少骨，所以我地就叫左一份酸菜蒜香烤鲈鱼(微辣)（$268）。 佢唔有有酸菜味拣， 仲要香辣，豆花，泡椒等，辣度就由bb辣去到大辣。烤鱼份量好足，上面仲有好多蒜头、酸菜，所以个汤底好香蒜味，辣得黎又带点酸，好开胃。老板仲话条鱼、蒜头，辣椒等都系即叫即整，日日都新鲜运到黎架，所以条鱼真系非常鲜甜，啲肉质又好滑，同埋相对上真系算少骨。味道方面，条鱼好入味，酸味辣味个比例都啱啱好，唔会太辣又唔会太酸。同埋俾多$59就可以拣4款嘅烤鱼配菜，所以我地仲叫左海带，娃娃菜，年糕，乌冬。配菜份量都几多，两个人就未必食得晒。啲菜好新鲜同好易入味，酸酸辣辣，好正！最后放入乌冬，吸晒啲精华，超满足！ 野饮方面，健康爽芒，霸气百香果，金桔咸柠七都系佢地嘅招牌，大家下次黎可以试下啦。...