米亭 (已結業)

今日喺深水埗附近买嘢，之后肚饿喺福荣街揾咗一间米线店，入到去见到系除咗米线饺子仲有饭食！我哋今次就叫咗一个咖喱牛腩饭同埋一个饺子套餐！主要俾佢嘅饺子套餐吸引咗，我哋拣咗米线配饺子，饺子方面就拣咗白菜黑豚肉饺，佢饺子嘅份量都算多，有五只左右而且每只嘅馅料都非常多，非常胀卜卜嘅饺子🥟加埋米线真系食到非常之饱，佢哋嘅饺子套餐仲会送一个豆浆同埋凉菜，我哋就拣咗热豆浆。除咗饺子套餐我哋仲另外再加左两个小食，分别系金丝蜜椒鸡翼同埋秘制脆汁猪扒，佢哋嘅吹猪扒非常之吸引，仲有一啲炸蒜令到个炸猪扒更加香和有口感！蜜椒鸡翼都非常香酥，咬落口啖啖肉非常吸引！仲有我哋叫咗个咖喱牛腩饭佢哋嘅咖喱非常香浓，不知不觉就食晒成碗饭，如果将佢哋嘅秘制脆汁猪扒加落啲咖喱度一齐送饭都非常之好味