盈記四季養生麵館

营业中

休息中

食米线食得多，要求自然高左好多，𩠌好味就基本，汤底够唔够真材实料都好重要。药膳农场鸡厚身花菇养生汤第一啖就感受到浓浓嘅菇味，大花菇非常厚身弹牙，入味而唔会太咸，最正嘅系连个药膳汤都好有菇香，有深度。 传说中嘅三黄鸡果然好嫩滑，虽然唔系旧旧都系鸡髀，但都好厚肉有鸡味。 药膳汤好鲜甜，连米粉都有惊喜，幼滑有弹性，浸汤浸得耐都好食，份量仲要多到两个人都够食。鲜茄自家制水饺汤粉难得令我有种饮紧住家汤嘅感觉，车厘茄同蕃茄滚出嚟嘅汤好鲜甜，颜色浅啲但绝对冇沟水，真实嘅蕃茄味好浓。 水饺肉馅唔算好多，但可能饺子皮本身都烟靭好味，调味简朴清淡都已经好够味，每次见到饺子必点嘅朋友表示满意。药膳汤墨鱼春卷烟韧弹牙，药膳汤同加左花菇嘅版本原来都好大分别，比较清甜，小食都唔油腻，够健康几好。奶茶红豆冰好足料，奶茶茶胆仲要好浓，值得一试。