影片
更多
2019-07-11
239 浏览
每次去亲荃湾都一定系食呢间米线！ 仲记得第一次食系男朋友带我嚟食，俾碗米线嘅丰富程度吓亲，自此之后就返唔到转头啦！平时嗌开酸辣腩肉腐竹米线，今次嚟个小变奏，腐竹变豆卜。估唔到豆卜可以咁震撼！首先，豆卜口感非常好又索晒啲酸辣汤，所以食入口就好似食咗会喷汁嘅豆卜咁！ 好好味啊妈咪！腩肉就唔使讲，佢简直系我一直支持呢间铺头嘅原因 腩肉入口即溶又非常惹味！ 从未食过腌得咁好嘅腩肉。 以前食开唔系白色，就系唔够咸。 佢简直系重新塑造咗我对腩肉嘅概念！酸辣方面， 碗米线包含咗海量嘅肉碎芽菜酸菜，啖啖都好满足！ 第一次食建议大家食小辣，咁就可以品尝到每样𩠌菜嘅味道。 食得辣嘅朋友可以直接叫酸辣，绝对系另一番享受嚟架！最后提提大家，酸辣都系一个𩠌所以记得一定要同店员讲明要食酸辣！
仲记得第一次食系男朋友带我嚟食，俾碗米线嘅丰富程度吓亲，自此之后就返唔到转头啦！
平时嗌开酸辣腩肉腐竹米线，今次嚟个小变奏，腐竹变豆卜。
估唔到豆卜可以咁震撼！首先，豆卜口感非常好又索晒啲酸辣汤，所以食入口就好似食咗会喷汁嘅豆卜咁！ 好好味啊妈咪！
腩肉就唔使讲，佢简直系我一直支持呢间铺头嘅原因 腩肉入口即溶又非常惹味！ 从未食过腌得咁好嘅腩肉。 以前食开唔系白色，就系唔够咸。 佢简直系重新塑造咗我对腩肉嘅概念！
酸辣方面， 碗米线包含咗海量嘅肉碎芽菜酸菜，啖啖都好满足！ 第一次食建议大家食小辣，咁就可以品尝到每样𩠌菜嘅味道。 食得辣嘅朋友可以直接叫酸辣，绝对系另一番享受嚟架！
最后提提大家，酸辣都系一个𩠌所以记得一定要同店员讲明要食酸辣！
张贴
