原作養生湯米線

营业中

休息中

见到呢间餐厅系 open rice 有好多好评，就决定试吓，点知嬲到震，以后都唔会再帮衬。28/1 今日同朋友大概7:00pm 到餐厅当时餐厅大概只有坐满一半人。企门口带位嘅店员，逼人一定要坐四个人嘅卡位搭枱，唔俾我哋坐去空枱。当时我哋坐咗喺门口𠮶张枱嘅外面。我同朋友order左以下食物，一个龙王汤米线 138一客黄金鸡翼 39一客奶油津白 48大概7:15pm左右，鸡翼到达后，隔离入面𠮶枱嘅两个人就要离开，令到我哋食食下要企起身。坐低后，过咗5分钟，有一个清洁嘅店员又要入嚟清洁入面𠮶张枱，我要起第二次身。到7:30pm左右，米线亦都到达，食左2啖，汤底普通，好多水，但米线质地超级冧，非常难食，简直系不知所谓。 在此同时，刚刚带位嘅店员，又安排两个人坐喺我隔离，明明餐厅只系坐满一半人，又要逼我企起身，今次系第三次。当时候，我已经表达左不满，反映过后，店员同我讲唔需要亦都唔会再企起第四次身。到8:00pm，入面𠮶枱已经食完，令到我要再企起第四次身。食物唔好食，服务态度非常恶劣，同老板反映后，佢亦都系听完就算，非常hea，完全冇谂过作出改善，喺呢度劝喻大家千祈唔好帮衬，不要被骗。