金西南米線

营业中

休息中

作为米线关注组既一员🎗，除左热门既米线店，我当然唔会放过大大小小街头巷尾既隐藏米线店，特别系良心舖头💛！今日就试下哩间屹立铜锣湾多年既米线店。凉拌米线(热) 竹笙﹑腩肉﹑猪皮﹑萝卜 $56凉拌米线本身有炸酱﹑酸菜同花生🥜，凉拌酱汁酸酸辣辣🌶，加埋炸酱令米线整体香啲，食落去就惹味啲，如果可以有埋芫茜同葱就更加分。至于𩠌菜方面，腩肉瘦肉🥩部分比较多，有啲鞋口同咬唔开；猪皮就似系泰式处理，甜酸辣咁，好似泰式凤爪既味，入口都偏爽身；而竹笙同萝卜就正正常常，后者咬落无渣❌，但就唔算好清甜，味道淡啲。因为天气太热无心机试汤米线🥵，下次试埋再介绍俾大家喇。