米線陣 (海富中心)

营业中

休息中

见今日早左，就心血来潮睇下新开张的米线阵。见个早餐餐牌都好有茶记feel，生意都几好咁，就拿出勇气入去试试。自己揾位自己坐，等左1分钟就有位了。好想叫茄牛通，但系风险好高。咪以为茄牛通好简单，其实要煮一碗平凡的茄牛通系一D都唔容易。挣扎左一阵，用埋剩余嘅勇气，同靓仔侍应讲左句：「茄牛通。」当我影完餐牌，听左阵歌仔，灯灯灯櫈，茄牛通出场了，我的笑容出来了。汤底好清，冇乜油，唔觉有茄膏，蕃茄冇煮过龙，牛肉都煮得啱啱好，又唔系肥牛，通粉仲弹牙。大大碗茄牛通，咖啡又好饮，加7蚊有麦皮，炼奶自动另上。食完自己去收银俾钱，爽手。（注：餐厅音乐唔错，冇谂过茶记会有呢D歌仔听。）