農米莊 (豉油街)

营业中

休息中

呢间米线卖点系「连汤饮嘅米线」，以药膳米汤作主打。米线忠粉一定要嚟试下。个汤底偏白色，一饮落去系好香浓嘅椰子味，好清甜，饮完都唔口渴。上面有五、六旧鸡，啲鸡好滑，而且有椰子汤味，配料有菇仔同云耳，感觉好养生，食完都健康啲。呢个就系纯鸡汤熬成，加埋虫草花、知竹、菇仔、杞子、红枣去煮，好香鸡味之余味道都好有层次。香米鸡件一样好香好滑，加钱可另加配菜。加咗$12一份猪软骨。叫咗两款花雕煮嘅小食，首先系花雕醉鸡翼，鸡翼好入味，有好香嘅花雕味，甜甜地，又唔会苦，连骨都好入味。花雕溏心蛋嘅花雕味相对地浓，有少少盖过咗本身嘅蛋味，半熟蛋黄，个蛋都好食，不过相比起我钟意个鸡翼多啲。