井巷子 by 鋒膳

营业中

休息中

米芝芝 。精致fine din 川菜夜 🌶️川菜作为中国「八大菜系」之一，一向以麻同辣闻名。其实辣只系川菜其中一个味道面向。川菜有「七味」：甜、酸、咸、麻、苦、辣、香，而从中发展出多种味型，整体着重平衡，味道和谐。位于上环嘅井巷子就系一间唔会一味死麻死辣，主打糅合现代烹调风格、味道丰富嘅川菜。脆皮茅台三黄鸡做到外脆内软嘅效果，鸡皮甘香松脆，肉质嫩滑得嚟仲有香浓嘅茅台味，酒香扑鼻 🍶 要预订但好有惊喜，值得一试皱皮椒口水皮蛋辛香开胃，皮蛋够溏心，黏稠嘅蛋黄口感一流皱皮椒酸菜鱼 酸菜口感爽嫩配合自家泡的云南皱皮椒，汤底清爽唔油，微辣之中透出酸香。呢一款连汤都可以饮嘅酸菜鱼🐟食完都唔会涸喉亦更加衬托到鱼肉嘅鲜美。鱼肉厚实弹牙，整体配合得好好麻辣家烧豆腐鱼糍粑~ 豆腐鱼即系九肚鱼。香脆又柔滑嘅九肚鱼加上烟韧嘅糍粑口感好有趣呢度嘅食物都系贵精不贵多。重香不重辣。唔食得辣嘅都可以一战。（不过不得不弹嘅系啲楼面服务完全唔 up to standard，十问九唔应，明明晚市唔系忙唔知佢哋做紧乜。令人疑惑😐）