影片
更多
2023-07-17
2393 浏览
话说旧年妈妈生日我哋去咗天龙轩饮茶，今年因为夹唔到时间饮茶，决定去明阁试吓佢哋嘅晚饭。之前都试过湾仔明阁嘅盆菜，全家都好欣赏，所以今次决定去旺角本店试一试！ 今次book得比较迟，所以净系得返8:30呢个时段，因为惊冇嘢食，我都预先打定电话去留定想食嘅菜式，留咗佢哋嘅叉烧同招牌炸子鸡。 至尊蜜汁叉烧 （例） $298龙皇披金甲 （三位） $354明阁炸子鸡（粉岭平原鸡）半只 $398金耳榆耳扒菠菜苗 $248窝烧滋补竹丝鸡炒饭 $298姜汁桃胶炖鲜奶 $68 至尊蜜汁叉烧 🥓如果要讲我哋最钟意嘅菜式，一定系叉烧同埋龙皇披金甲！佢哋嘅叉烧份量十足，而且肥瘦适中，食落啱啱好，唔柴唔腻，食到叉烧嘅油脂香但又唔会过犹不及，唯一差少少就系外皮烧得唔够焦香，都有可能系健康嘅考虑，但对我嚟讲就差少少😢 龙皇披金甲 🍤龙皇披金甲系另一款明阁必食嘅功夫菜，将虾胶酿喺龙趸上，一齐攞去炸，食落外皮香脆，龙趸嘅鱼油十分之香，估唔到两样海鲜咁嘅配搭出到嚟咁好食。每一份仲有虾头同虾尾，可以食埋虾头嘅啲虾膏，而虾尾肉亦都好扎实，推介！ 明阁炸子鸡🐓炸子鸡系明阁另一招牌菜，但我哋食完好失望，冇想像中同其他食评讲到咁惊
今次book得比较迟，所以净系得返8:30呢个时段，因为惊冇嘢食，我都预先打定电话去留定想食嘅菜式，留咗佢哋嘅叉烧同招牌炸子鸡。
至尊蜜汁叉烧 （例） $298
龙皇披金甲 （三位） $354
明阁炸子鸡（粉岭平原鸡）半只 $398
金耳榆耳扒菠菜苗 $248
窝烧滋补竹丝鸡炒饭 $298
姜汁桃胶炖鲜奶 $68
至尊蜜汁叉烧 🥓
如果要讲我哋最钟意嘅菜式，一定系叉烧同埋龙皇披金甲！佢哋嘅叉烧份量十足，而且肥瘦适中，食落啱啱好，唔柴唔腻，食到叉烧嘅油脂香但又唔会过犹不及，唯一差少少就系外皮烧得唔够焦香，都有可能系健康嘅考虑，但对我嚟讲就差少少😢
龙皇披金甲 🍤
龙皇披金甲系另一款明阁必食嘅功夫菜，将虾胶酿喺龙趸上，一齐攞去炸，食落外皮香脆，龙趸嘅鱼油十分之香，估唔到两样海鲜咁嘅配搭出到嚟咁好食。每一份仲有虾头同虾尾，可以食埋虾头嘅啲虾膏，而虾尾肉亦都好扎实，推介！
明阁炸子鸡🐓
炸子鸡系明阁另一招牌菜，但我哋食完好失望，冇想像中同其他食评讲到咁惊艳😢一方面，炸子鸡火候太老，鸡肉唔够嫩滑，仲要偏老。另一方面炸子鸡嘅外皮应该好香口，散发油脂香，但今次完全冇，净系食到脆口，但一啲都唔香😢家母直程话海港嘅炸子鸡仲好食过佢，真系好失望🫠
金耳榆耳扒菠菜苗🥬
金耳榆耳我哋都系第一次食，后尾查返先发现原来都系啲营养丰富嘅食材，食落几爽口，配菠菜苗都几夹，用料几特别。而菠菜苗非常幼嫩，但味道就正常啦，冇乜太大惊喜啦。
窝烧滋补竹丝鸡炒饭 🍛
呢个炒饭都系明阁嘅招牌菜，唔小心叫佢分咗先上，所以冇成个砂锅上菜时嘅相。用料一样几特别，乌鸡炒过之后好香，几好食。因为炒饭系用砂锅上，所以仲食到少少饭焦，而饭都炒得好干身，几好。至于味道方面，呢个炒饭始终都系比较普通，冇一样嘢特别吸引同惊艳，而且味道好淡，连屋企人食得比较清淡都话冇乜味。
姜汁桃胶炖鲜奶 🥛
呢个姜汁炖奶非常推介，味道好好，炖鲜奶超嫩滑，而且加上桃胶，又多一重口感，虽然细碗咗啲，但都超满足！
今次系为咗庆祝妈妈嘅生日，所以订枱嘅时候都有特别留到remark，餐厅另外准备咗一份小甜品，碌柚啫喱红豆糕，加埋用中文写嘅生日祝福，即刻加咗分！
计埋开咗一杯酒俾爸爸，成餐饭大概每人$700，比我哋想像中仲要贵，讲真唔太满意，因为几份招牌菜都冇想像中咁好食，而炸子鸡更加系出咗事，所以整体嚟讲性价比算系几低。
另外一个扣分位系职员的专业，食到后尾餐厅都已经空得七七八八，突然间有个负责埋单嘅职员喺我哋身边行过，声量唔细咁讲咗声粗口，我哋喺隔离听到晒但就完全唔知发生咩事（佢系自言自语唔系讲比我哋听嘅）如果呢一间系中低价位嘅中菜，我唔会觉得有任何问题，但呢一间系一间价钱不菲嘅米芝莲星级食府，职员突然间喺隔离讲粗口，好影响成个用餐体验，而且亦好突兀。服务态度嚟讲，就好似好多其他食评一样，佢哋真系有好大嘅进步空间。
另一方面，作为一间米芝莲食府，如果上菜嘅时候可以同客人简单介绍菜式嘅烹调过程同用料，成个用餐体验亦都会更加圆满。
总结，唔会encore了🥺😢
张贴
