影片
更多
2022-07-21
967 浏览
听过人讲依间omakase无咩特色，又听过人讲依间omakase系佢最爱，两极嘅comment或者都反映到omakase就系一样咁神奇而又个人化嘅存在。要揾到啱自己口味﹑喜好嘅鮨店太难，而对我黎讲佢就系第一间令我一访后即刻book二访嘅鮨店嘞～❝Lunch Omakase - 花❞ ($780)依个set包含茶碗蒸﹑十二贯寿司﹑卷物﹑玉子﹑面豉汤，甜品，不过要留意8月开始就唔会再有依个set，得翻包含三款前菜嘅「昼」set。到访当日嘅蟹肉茶碗蒸鲜味突出，不过无乜太大感觉，但去到第一贯寿司开始，就预计同到对依间鮨店嘅喜爱。事源我比较重口味，试过某预约困难店，觉得舍利太淡，至于今次就试到暂时最最合我口味嘅舍利！味道偏向咸咸酸酸，质感粒粒分明，唔会黏稠，异常地有咬口，温度微暖，酸度唔算太浓烈，但每一啖都会渗透少少酸味出黎，同各款鱼料都相衬得宜。至于鱼料方面，最有记忆点要数胶质甜度都适中，但异常地与舍利搭配得宜嘅〔北海道甜虾〕，酸度唔算突出但口感紧实有致嘅〔小肌〕，以个人最爱调味－葱点缀嘅〔池鱼〕，例牌野例如〔赤身酱油渍〕﹑〔拖罗〕及〔海胆〕都无失望。〔吞拿鱼蓉手卷〕内加入咗爽脆萝卜干，相当美
❝Lunch Omakase - 花❞ ($780)
依个set包含茶碗蒸﹑十二贯寿司﹑卷物﹑玉子﹑面豉汤，甜品，不过要留意8月开始就唔会再有依个set，得翻包含三款前菜嘅「昼」set。到访当日嘅蟹肉茶碗蒸鲜味突出，不过无乜太大感觉，但去到第一贯寿司开始，就预计同到对依间鮨店嘅喜爱。
事源我比较重口味，试过某预约困难店，觉得舍利太淡，至于今次就试到暂时最最合我口味嘅舍利！味道偏向咸咸酸酸，质感粒粒分明，唔会黏稠，异常地有咬口，温度微暖，酸度唔算太浓烈，但每一啖都会渗透少少酸味出黎，同各款鱼料都相衬得宜。
至于鱼料方面，最有记忆点要数胶质甜度都适中，但异常地与舍利搭配得宜嘅〔北海道甜虾〕，酸度唔算突出但口感紧实有致嘅〔小肌〕，以个人最爱调味－葱点缀嘅〔池鱼〕，例牌野例如〔赤身酱油渍〕﹑〔拖罗〕及〔海胆〕都无失望。〔吞拿鱼蓉手卷〕内加入咗爽脆萝卜干，相当美味。
整体黎讲鱼料对我黎讲系有足够鲜味，调味得宜，但未算话有惊叹嘅必要，系胜在舍利实在太深得我心，又同各款鱼料都相衬。反而后续嘅玉子极有惊喜，嫩滑程度有如甜品一般，口感细腻令人想食多几旧HAHAHA
今次首访当然要request健师傅试试佢手势，系一如预期中嘅沉稳实在，亦有留意食客反应、适时交流。店员姐姐仲好健谈同我地倾到碗碗碟碟各种精美用具，用餐体验很愉快～
𓂃𓈒 𓂂𓏸 Sushi Wadatsumi 𓏸𓂂 𓈒𓂃
尖沙咀梳士巴利道18号K11 Musea6楼607号舖
港铁尖沙咀站J出口，步行约6分钟抵达
星期一至日12:00 - 15:00 / 19:00 - 22:30营业
公众假期12:00 - 14:30 / 18:30 - 22:00营业
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃餐点味道 | ♥︎♥︎♥︎♥︎♥︎♥︎♥︎♥︎♥︎♡
抵食指数 | ♥︎♥︎♥︎♥︎♥︎♥︎♥︎♥︎♡♡
店舖环境 | ♥︎♥︎♥︎♥︎♥︎♥︎♥︎♥︎♡♡
用餐体验 | ♥︎♥︎♥︎♥︎♥︎♥︎♥︎♥︎♥︎♡
推荐程度 | ♥︎♥︎♥︎♥︎♥︎♥︎♥︎♥︎♥︎♡
适合场景 | 二人聚餐
张贴
