影片
更多
2023-05-07
5448 浏览
VEA restaurant 呢间餐厅🖤黑白配⚪️Bookmark咗好耐，除咗呢间餐厅喺网上系大热话要book个几月都book唔到之外，仲连续几年入选亚洲五十大嘅最佳餐厅，而且都系攞住米芝莲嘅名衔，所以🖤黑白配⚪️对今餐嘅期望极高😍，餐厅主打中法fusion ，平时食法式嘅fine dining 试吾少，但系用中式嘅材料同埋法式嘅食材混合真系好新鲜👀，试过之后真系觉得无论系味道、创意、食物质素、环境所有嘢都好完美同埋有惊喜，亦系🖤黑白配⚪️心目中暂时觉得最高分嘅fine dining 头几位😳餐厅分别有吧枱同埋table ，🖤黑白配⚪️今次坐吧枱对住个开放式厨房，睇住啲厨师悉心预备每一味嘅菜式同埋点样制作个菜式，成个感觉好有诚意👍🏻👍🏻👍🏻6 course menu $1880 per one Tasting Menu Snacks Savoury selection ，三款嘅咸点，按住顺时针咁食，佢哋个摆盘摆出嚟已经好靓，第一款系个鸡蛋壳入面用咗蛋再炒白菜🥬，中间个摆盘有条咸鱼，然后仲有张纸仔🙀可以俾你开嚟睇，写住咸鱼白菜也好好味🤣🤣🤣件事都几有意境！第二款系法式咸饼，里面有黑松露同埋炒过嘅
餐厅分别有吧枱同埋table ，🖤黑白配⚪️今次坐吧枱对住个开放式厨房，睇住啲厨师悉心预备每一味嘅菜式同埋点样制作个菜式，成个感觉好有诚意👍🏻👍🏻👍🏻
6 course menu $1880 per one
Tasting Menu
Snacks
Savoury selection ，三款嘅咸点，按住顺时针咁食，佢哋个摆盘摆出嚟已经好靓，第一款系个鸡蛋壳入面用咗蛋再炒白菜🥬，中间个摆盘有条咸鱼，然后仲有张纸仔🙀可以俾你开嚟睇，写住咸鱼白菜也好好味🤣🤣🤣件事都几有意境！第二款系法式咸饼，里面有黑松露同埋炒过嘅栗子，最后𠮶个卷物系包住左蓝鲸吞拿鱼
Shima Aji
呢款嘅刺身配左中国嘅湖南辣椒酱同埋台湾嘅杨桃汁🍑 ，食落去甜甜辣辣
Sea Cucumber
海参入面包住新鲜嘅海虾，再配埋20年酿制嘅花雕酒，系食嘅时候，职员就会即场将个酒喷落去个海虾度，所以系完全保留到酒嘅味道🍻
Shirako
香煎白子底层有个春卷皮包住个白子，另外配咗个白酒鳟鱼子汁🍶淋落去，食落去好鲜甜
食到一半，餐厅职员会俾个山楂饼同埋雪萉俾你清一清个味蕾，等你预备食main
好耐冇食过山楂饼🥹🥹，呢个味道系细过饮中药嘅时候攞嚟送药，而家食返都觉得好怀念😳🥲🥲
Ma Yau
炭烧马友用咗圣子去做配菜，而酱汁系用咗潮州菜甫，成件事出奇地match !
Yellow chicken 🐔
真系估唔到食鸡都有咁多层次😂，呢个yellow chicken有三层嘅味道，最底层系鸡腿肉，而中间𠮶层就系鸡胸，最上层就系黑松露，用咗黑蒜同埋云南羊肚菌做配料，成个鸡食落去好嫩滑，同埋完全散发到黑松露嘅香！
Japanese Strawberry 🍓
呢款甜品用咗水果做主题，用日本嘅士多啤梨同埋配搭burrata cheesecake ，调味料用咗日本嘅八珍甜醋，将个甜品更上一层楼 🍰
Mignardises
去到sweet selections 嘅环节，真系超惊喜，食到细个好钟意食嘅椰子糖葱饼，真系儿时嘅味道😭😭
另外，有五款餐后小茶点🍮分别系味噌焦糖、士多啤梨cheese cake 、炼奶糯米糍、柠檬夹心饼、青提蛋白同埋芒果西米挞，作为结束呢一餐完美嘅体验。整体真系好新鲜好有创意，同埋好饱好饱，但系觉得食完肥都系值得🫣🤣🤣
张贴
