影片
更多
2019-08-27
1032 浏览
罗勒印度餐厅 #北角呢间印度餐厅荣获左转咗多年嘅米芝莲推介，而且系OpenRice定座仲有75折，不过今次最终都冇用到个优惠，因为发现佢有个二人套餐仲抵，有成六折。二人套餐$302 (原价 $502)-前菜-是日餐汤 Daily soup 鹰嘴豆南瓜汤烤鸡串 Chicken Tikka (2pcs)咖喱角 Samosa (2pcs)烤牛肉 Beef kebab (2pcs)马莎拉蚝 Oyster masala (4pcs)最特别系佢嘅马莎拉蚝，第一次去印度餐馆食蚝，虽然唔系生蚝，但系佢哋嘅调味料甜甜咸咸咁，将只蚝整得都几惹味。另外佢嘅咖喱角亦都非常松脆，而且馅料非常丰富，包住左啲咖喱、薯蓉系入面。同埋佢嘅烤牛肉都好特别，将啲牛肉整到一条香肠嘅形状，但系又比德国香肠松化少少-主菜-印度咖喱牛肉 Beef Curry马莎拉鸡肉 Chicken Masala咖喱杂菜 Vegetables curry 配烤饼&黑松露烤饼 (/白饭) Naan, Black truffle naan (/white rice)每一只咖喱嘅味道其实分别唔大，不过最甜嘅就会系咖喱杂菜，而香料、肉味最龙嘅就会系咖喱牛
呢间印度餐厅荣获左转咗多年嘅米芝莲推介，而且系OpenRice定座仲有75折，不过今次最终都冇用到个优惠，因为发现佢有个二人套餐仲抵，有成六折。
二人套餐$302 (原价 $502)
-前菜-
是日餐汤 Daily soup 鹰嘴豆南瓜汤
烤鸡串 Chicken Tikka (2pcs)
咖喱角 Samosa (2pcs)
烤牛肉 Beef kebab (2pcs)
马莎拉蚝 Oyster masala (4pcs)
最特别系佢嘅马莎拉蚝，第一次去印度餐馆食蚝，虽然唔系生蚝，但系佢哋嘅调味料甜甜咸咸咁，将只蚝整得都几惹味。另外佢嘅咖喱角亦都非常松脆，而且馅料非常丰富，包住左啲咖喱、薯蓉系入面。同埋佢嘅烤牛肉都好特别，将啲牛肉整到一条香肠嘅形状，但系又比德国香肠松化少少
-主菜-
印度咖喱牛肉 Beef Curry
马莎拉鸡肉 Chicken Masala
咖喱杂菜 Vegetables curry
配烤饼&黑松露烤饼 (/白饭) Naan, Black truffle naan (/white rice)
每一只咖喱嘅味道其实分别唔大，不过最甜嘅就会系咖喱杂菜，而香料、肉味最龙嘅就会系咖喱牛肉。每一只都几好食，用嚟点烤饼就一流！不过佢嘅咖喱唔系椰香味重𠮶只，亦都唔系好辣。
另外几特别嘅系佢哋有黑松露烤饼，有啲黑松露、黑松露油喺上面，令到成个烤饼更加香，就算唔点咖喱就斋食都好好味。因为得四块唔系好够点晒啲咖喱，个店员仲免费送多四块原味俾我哋
-饮品-
玛萨拉茶 Masala tea
芒果奶昔 Mango lassi
印度嘅奶茶比起香港台湾嘅香料味重好多，味道都真系几特别，值得一试。而佢哋嘅芒果奶昔都做得唔错，芒果味香浓得来唔会假。
无论系前菜主菜定系嘢饮都做得唔错，而且呢个二人餐可以试到好多唔同嘅𩠌，所以都几好。
味道: 4.3/5
性价比: 4.5/5
张贴
