何洪記

营业中

休息中

今日去完泰国返黎好挂住碗云吞面，谂住返到黎落楼下食，但下时间返到去都应该收咗档，正绝望之间见到机场入面有间何洪记㖞，仲要米芝莲㖞，正呀！狗冲去㩒飞攞位，外面仲有个好好人嘅姐姐帮我地睇住d行李，谂住都唔差㖞。好喇！好快有位入到去有个卡位同圆枱位，咁心谂我母上年纪大，等佢坐卡位唔洗比人撞又可以坐得个背脊舒服d，就问带位果位侍应可唔可以坐卡位，之后果位侍应就回我一句“唔得㖞！有人等紧过㖞！”咁ok冇问题，你话有人等咁即系好快到啦，点知我地由讨论食咩到叫埋（应该约5至10分钟），先有人入果个位，已经嬲嬲地😡，之后叫嘢食嗌咗3碗云吞啦，点知我旁边果枱同后面果枱迟过我地嗌，都已经到咗（同样系云吞面），咁见唔对路咪问一问啦！得到嘅回应系“等等啦”，之后行开咗，再过多约5分钟d嘢食先到，食完之后就快快手手走人。各位可能话我洗唔洗咁小气咁都打篇嘢黎讲，的确我就咁睇都觉好少事，但系我重点系当时侍应嘅服务态度系比我印象中其他类似嘅店舖为差，但系点解可以攞到米芝莲呢，佢连招牌嘢嘅云吞面都唔系好好，味道都只系一般，再加上咁嘅服务态度，唉！