影片
更多
2024-12-07
281 浏览
筲箕湾嘅「一家」系米芝莲必比登推介餐厅，跟住米芝莲呢个招牌去试，真系冇失望！食物够创意又有惊喜，环境舒适之余仲几有气氛。 口水鸡 （$88）前菜我哋点左经典嘅口水鸡，鸡肉嫩滑得嚟又好入味，辣油带出阵阵花椒香，辣中带麻，食完即刻开胃。蒜蓉爆鳝丝（$188）「蒜蓉爆鳝丝」就真系今晚嘅焦点，上台𠮶阵，侍应会即场落烧酒，再点火，点火嘅瞬间好有仪式感，爆炒嘅时候仲闻到阵阵蒜香同酒香。鳝丝好嫩滑，配埋蒜蓉同酒香，真系一流！ 炸银丝卷（$32）炸银丝卷外层炸得金黄脆口，内里松软，点埋炼奶，系甜而不腻嘅完美搭配。大排麻酱伴面（$90）另外，大排麻酱伴面亦系必试，麻酱香浓得嚟唔会太腻，落几多麻酱都系自己话事，面条烟韧弹牙，拌匀之后每一口都好满足。 炸猪扒大大块，外层薄薄一片粉浆，炸到金黄，但内里依然保持湿润，非常出色。炸芝麻团-5个 （48）甜品方面，炸芝麻团外层脆卜卜，铺满黑白芝麻，内馅系流心黑芝麻，入口即溶，芝麻香气四溢，完美收尾。 饮品名都好有趣，以家人称呼改名。非常外父（$40）「非常外父」有芒果芝士云，芒果芝士泡沫味好香甜，饮落好顺口，配上伯爵茶，甜度岩岩好。失魂堂弟（$34）「失魂堂弟
口水鸡 （$88）
前菜我哋点左经典嘅口水鸡，鸡肉嫩滑得嚟又好入味，辣油带出阵阵花椒香，辣中带麻，食完即刻开胃。
蒜蓉爆鳝丝（$188）
「蒜蓉爆鳝丝」就真系今晚嘅焦点，上台𠮶阵，侍应会即场落烧酒，再点火，点火嘅瞬间好有仪式感，爆炒嘅时候仲闻到阵阵蒜香同酒香。鳝丝好嫩滑，配埋蒜蓉同酒香，真系一流！
炸银丝卷（$32）
炸银丝卷外层炸得金黄脆口，内里松软，点埋炼奶，系甜而不腻嘅完美搭配。
大排麻酱伴面（$90）
另外，大排麻酱伴面亦系必试，麻酱香浓得嚟唔会太腻，落几多麻酱都系自己话事，面条烟韧弹牙，拌匀之后每一口都好满足。 炸猪扒大大块，外层薄薄一片粉浆，炸到金黄，但内里依然保持湿润，非常出色。
炸芝麻团-5个 （48）
甜品方面，炸芝麻团外层脆卜卜，铺满黑白芝麻，内馅系流心黑芝麻，入口即溶，芝麻香气四溢，完美收尾。
饮品名都好有趣，以家人称呼改名。
非常外父（$40）
「非常外父」有芒果芝士云，芒果芝士泡沫味好香甜，饮落好顺口，配上伯爵茶，甜度岩岩好。
失魂堂弟（$34）
「失魂堂弟」系番石榴、橙同汽水嘅组合，系清新解腻之选，食咗咁多重口味嘅嘢，饮一啖即刻平衡返味蕾嘅味觉。
总括嚟讲，「一家」无论味道、创意定系体验都好出色，绝对值得一试！
张贴
