No.5 Italian (已結業)

今年女朋友生日就拣咗米芝莲推介的意大利餐厅作为晚餐。预先打去订咗枱，订枱嘅时候已经同职员讲话要同女朋友庆祝生日，职员亦有细心写低。两人庆祝叫咗一个意大利饭，一份主菜同一个甜品。知道女朋友非常喜欢食意大利饭，所以就叫咗白松露野菌意大利饭 (约$158)。呢度个意大利饭嘅汁比出面食开嘅较为多，配有完粒野菌，亦有香草作配搭。意大利饭既味道不错，但个人喜欢比较少汁嘅意大利饭。 另外，我哋点咗意式煎小牛肉 (约$268) 呢个意式煎小牛肉比较特别，与平时个主菜牛排不同，肉接近全熟，食落尚算腍身，用上香料烹调。另外加上野菜配搭清新，青豆薯蓉亦可中和肉的咸味，推介一试！ 因为女朋友生日，食完主菜就叫甜品，柠檬牛油蛋糕配热情果雪芭及开心果碎 (约 $58) 。由于事先同职员讲咗系庆祝女朋友生日，职员系甜品碟上写上happy birthday字及蜡烛送上。方块蛋糕非常松软，加上淡淡的柠檬香味，口感清新。热情果雪芭亦不会太甜，非常清新嘅饭后甜品。 女朋友亦很满意是次晚餐，唯独是座位比较近门口，建议定位时同职员要求坐比较近窗口嘅位置。