影片
更多
2018-10-31
2468 浏览
睇过网上少少介绍「茑」拉面店嘅资料，既有米芝莲一星嘅光环，又有东京最佳拉面嘅称号，继新加坡、台湾后，香港店成为第三间亚洲分店。能够冲出海外，自然有一定嘅实力，是夜同朋友嚟到，一探其虚实。走进店内，一室简约嘅和风装潢，配以柔和嘅暖光，有别唔少附近嘅拉面店，全场只设有吧枱位，通道非常阔落，所以，整体感觉予人舒服。而吧位对住就喺开放式厨房，唔单止一眼睇晒师傅做面嘅情况，更喺一做出成品，就由师傅双手捧上，而且，要晌衞生方面有充足嘅自信先至敢咁做。不过，如果枱下有啲小勾，或者啲高脚櫈下加设啲细篮可以放吓袋就好，因为佢啲櫈背喺通窿，放袋唔方便。平常都会影影餐牌俾大家参考吓，但个餐牌以软胶Z形制作，唔方便压平影，所以，今次就偷懒少少唔影足个餐牌嘞。但简单讲，主打就梗喺拉面啦，酱油味、盐味、味噌配叉烧拉面，仲有照烧鸡拉面、小食、丼物同饮品……等等，而份量就有分标准同大碗，但就无咩软硬度嘅面条选择咁多花臣嘢搞。日式煎饺子 $45先嚟一客日式煎饺子过过口瘾，一客5只，只只饱满都煎得都好靓仔，入口果然皮薄而香脆，猪肉馅松化富肉汁，沾少少秘制辣酱（其实唔喺好辣嘅啫），咁就更惹味喇。味噌叉烧拉面 $134「茑」
走进店内，一室简约嘅和风装潢，配以柔和嘅暖光，有别唔少附近嘅拉面店，全场只设有吧枱位，通道非常阔落，所以，整体感觉予人舒服。
而吧位对住就喺开放式厨房，唔单止一眼睇晒师傅做面嘅情况，更喺一做出成品，就由师傅双手捧上，而且，要晌衞生方面有充足嘅自信先至敢咁做。不过，如果枱下有啲小勾，或者啲高脚櫈下加设啲细篮可以放吓袋就好，因为佢啲櫈背喺通窿，放袋唔方便。
平常都会影影餐牌俾大家参考吓，但个餐牌以软胶Z形制作，唔方便压平影，所以，今次就偷懒少少唔影足个餐牌嘞。但简单讲，主打就梗喺拉面啦，酱油味、盐味、味噌配叉烧拉面，仲有照烧鸡拉面、小食、丼物同饮品……等等，而份量就有分标准同大碗，但就无咩软硬度嘅面条选择咁多花臣嘢搞。
日式煎饺子 $45先嚟一客日式煎饺子过过口瘾，一客5只，只只饱满都煎得都好靓仔，入口果然皮薄而香脆，猪肉馅松化富肉汁，沾少少秘制辣酱（其实唔喺好辣嘅啫），咁就更惹味喇。
味噌叉烧拉面 $134「茑」嘅拉面晌配菜上都别树一格，唔喺咩笋干、木耳丝、紫菜，睇餐牌就见到包括紫洋葱、粟米、芽菜、西洋菜，并拌有牛肝菌蘑菇油及辣酱。
友人所拣嘅叉烧拉面，小弟先黐一啖呷口汤，个味噌汤底，除有面豉香，由于，加咗牛肝菌蘑菇油，似乎又有阵阵菌香味；此外，亦试咗块叉烧，喺少肥嘅版本，适合依家讲健康嘅大环境，然而，一啲都唔嚡，质感几松化。
照烧鸡味玉拉面 $107同样都喺拉面一碗，但配菜跟上述嘅叉烧拉面就大不同，喺沙律菜、粟米、蘑菇、洋葱，而小弟都几钟意食溏心蛋，就梗喺拣要有味玉啦。
照烧鸡拉面会配番清鸡汤做汤，望落去都似猪骨汤，但就无咁浆口，却喺仍然咁浓郁；两片照烧鸡其实真喺唔喺好多，但烧到带点焦香，只喺无预期咁嫩滑啫；而溏心蛋坚好食，做到流心不在话吓，只蛋本身都浸到入味；面条方面，既挂汤，又有嚼劲，而且，份量绝对唔少。
比起坊间其他嘅拉面店，「茑」嘅定价就稍高一线，而短短一条登龙街，已经有多家出名嘅揾面店插旗，相信有实力嘅，终会站得住脚。唔使飞到日本，试到米芝莲一星拉面店，始终有一定嘅卖点。
张贴
