蔦 (已結業)

今日去开尖沙咀行街，系附近见到呢个拎左米芝莲嘅拉面，时间又尚早见无咩人就入左去食。<酱油味玉拉面，$113>酱油味玉拉面由叉烧一片、味玉蛋、笋干、日本大葱、松露酱而成。当然先试汤底，味道好清香，咸左少少但系可以接受。然后将松露酱捞匀，个汤又有另外一番风味，浓郁嘅松露酱令到成个汤底都好香。叉烧整得好腍，味道比较清淡我喜欢。拉面都算烟韧，唔错。味玉蛋系十个赞，蛋黄系流心嘅，生熟度岩岩好，超正！<味噌味玉拉面，$113>味噌味玉拉面由叉烧一片、紫洋葱、味玉蛋、粟米、芽菜、辣酱、牛肝菌蘑菇油、西洋菜而成。本身呢个味增汤我觉得太过浓味，但系将辣酱捞匀之后，我汤底带啲辣就变得好惹味。虽然有辣酱不过唔会太辣，想试但怕辣既朋友都可以一试。<炙热骰子肉，$28>呢个骰子肉好好味，将叉烧切成粒，再加左啲蒜蓉去烧，好香好好味。够厚咬落好有口感但系仍然好腍，而且$28有8粒我觉得好抵食！<(冻)麦茶，$15>麦茶嘅味唔系每个人都钟意，男朋友就觉得唔错，饮落唔似用水即冲，真系煲过咁。