影片
更多
2018-06-05
126 浏览
上次食完北海道过江龙嘅米芝莲拉面，今次食东京过江龙嘅米芝莲拉面啦😂.茑系开放式厨房，加上我地坐吧枱位置，所以可以好清楚咁见到师傅们分工合作制作拉面嘅过程。望住佢地渌面、沥面、整汤底、摆不同食材落碗拉面到⋯⋯每个人有唔同岗位😂.茑拉面采用糅合荞麦粉及三种唔同面粉制成嘅幼身面条，都值得一试。叉烧非常薄身的，虽然肉质偏瘦但食落都几嫩嘅感觉(可能呢个就系切到叉烧咁薄身嘅原因？🤔)，但可惜一碗拉面只有一块叉烧呢🙈追加叉烧的话一块要$12。特别一提！我好钟意佢地嘅溏心蛋😍所以一定要叫有溏心蛋嘅拉面！😆.拉面可选: 酱油/盐味/味噌。我拣咗味噌拉面，同行朋友就拣咗酱油拉面。味噌汤底味道刚好，唔会太咸。不过我会更喜欢朋友嘅酱油拉面😛因为酱油拉面加咗松露油，令到成碗拉面好香呢😆所以我会首推大家拣酱油拉面！😛.另外叫咗份炙烧骰子肉share食😌炙烧猪肉粒，望落好似只系一粒粒瘦肉🎲但食落原来唔会干唔会鞋🤩朋友话佢食到一两旧带有少少脂肪嘅，就更香更好食添。配上洋葱酱食，都系一个唔错嘅小食，2个人share一份就啱啱好。.可能我真系太大食，我食完之后唔够饱🤣价钱上我觉得有啲啲贵，虽然都知其实一碗拉面钱入面其实有
.
茑系开放式厨房，加上我地坐吧枱位置，所以可以好清楚咁见到师傅们分工合作制作拉面嘅过程。
望住佢地渌面、沥面、整汤底、摆不同食材落碗拉面到⋯⋯每个人有唔同岗位😂
.
茑拉面采用糅合荞麦粉及三种唔同面粉制成嘅幼身面条，都值得一试。
叉烧非常薄身的，虽然肉质偏瘦但食落都几嫩嘅感觉(可能呢个就系切到叉烧咁薄身嘅原因？🤔)，但可惜一碗拉面只有一块叉烧呢🙈追加叉烧的话一块要$12。
特别一提！我好钟意佢地嘅溏心蛋😍所以一定要叫有溏心蛋嘅拉面！😆
.
拉面可选: 酱油/盐味/味噌。
我拣咗味噌拉面，同行朋友就拣咗酱油拉面。
味噌汤底味道刚好，唔会太咸。不过我会更喜欢朋友嘅酱油拉面😛
因为酱油拉面加咗松露油，令到成碗拉面好香呢😆
所以我会首推大家拣酱油拉面！😛
.
另外叫咗份炙烧骰子肉share食😌
炙烧猪肉粒，望落好似只系一粒粒瘦肉🎲但食落原来唔会干唔会鞋🤩朋友话佢食到一两旧带有少少脂肪嘅，就更香更好食添。
配上洋葱酱食，都系一个唔错嘅小食，2个人share一份就啱啱好。
.
可能我真系太大食，我食完之后唔够饱🤣
价钱上我觉得有啲啲贵，虽然都知其实一碗拉面钱入面其实有好多都系用嚟交租俾海港城😂🤷🏻♀️
呢到麦茶亦要加钱🤭所以如果想悭番15蚊麦茶钱，其实饮餐厅免费提供嘅冻水都得㗎😏
张贴
