星記海鮮飯店 (一號廣場)

营业中

休息中

呢间中菜馆连续五年成为米芝莲推介， 啱啱喺9月份重开，位于中环扶手电梯附近，地点都算方便，所以中午都好多人帮衬。 楼面算系几大，有几个厅房，台凳摆放得唔太密，都几好坐 。 呢度中午同一般酒楼有啲唔同，系冇点心嘅，但就有推出88蚊嘅小菜午市套餐， 套餐包咗一个小菜、 老火汤同埋甜品， 价钱相宜，仲有得叹下茶，喺中环嚟讲真系好抵食。 ❤ 菜干老火汤传统老火汤嘅味道， 标榜冇味精，味道浓郁，汤料好多👍。 ❤ 驰名凤梨生炒骨生炒骨大大碟， 肉嘅份量唔少， 外层炸得好香脆，淋上甜酸汁系好啱送饭嘅一道菜。另外亦都有好多新鲜菠萝块，唔会炒得太腍，保留咗菠萝本身嘅水份，几鲜甜。 ❤ 红烧豆腐炆鱼柳不嬲都好钟意食酒楼整嘅红烧豆腐，呢度嘅豆腐 好有水准， 又大嚿又入味，里面滑嘟嘟。鱼柳亦都有好多块，每一块都系煎过之后再炆，所以好香口， 而且入面完全冇骨，啖啖肉可以放心食。 ❤ 八宝糖水以为赠送嘅甜品系一嚿糕，原来系足料糖水，都有啲惊喜。有红枣、雪耳、莲子等等，感觉好滋润好适合就秋冬天饮🥰。