旺泰特食 (已結業)

一年之前同朋友食过一次, 都唔错, 今日撞啱入西贡, 谂住同老婆去撑枱脚~去到唔驶等位, 可能平日冇咩人。坐低叫咗个芒果沙冰, 辣椒膏炒蚬, 原只南瓜炒饭, "厨师推介"嘅青咖哩羊腩...首先上咗个芒果沙冰, $38, 好味~ 有新鲜芒果味~ 再嚟个炒蚬, 卖相味道都唔错~ 蚬肉鲜甜~跟住个原只南瓜炒饭同青咖哩羊腩~ 个原只南瓜炒饭其实只系个普通炒饭加咗"几粒"南瓜一齐炒再用个生嘅南瓜盛载(睇佢英文系有写"baked plumkin ....可能系指啲南瓜粒, 唔系成个制成品攞去焗", 真系极度失望...除非你啖饭食中南瓜,如果唔系,根本同普通炒饭一样,咁都卖成$82,劲呃钱... 最大问题系个咖哩羊腩, 啲羊腩唔掂, 好鞋~ 鞋都不特止, 仲要好咸... 唔知系羊腩定系个青咖哩出事... 同佢讲好咸, 跟住佢就攞咗入去搞搞佢, 出返嚟之后, 真系冇咁咸, 不过就啖到冇晒青咖哩味 ... 咁就$85, 呢啲钱真系易赚! 仲够胆话"厨师推介"...真系唔会再去第二次...