Fork Eat (已結業)

星期日午时经过呢头，想试下呢间餐厅，不过由于铺头只有两张枱，当时已满座 所以我地叫左外卖返屋企食，分别叫左3个菜：浓汤浸自家农场新鲜鸡：我地叫左半只，鸡身比较细，不过鸡肉好滑，好香鸡味，调味都刚刚好，个鸡本身送饭，不过佢应该漏左，我地袋外卖唔见有真空慢煮美国安格斯牛小排沙津：30几蚊可以食到牛肉同新鲜的沙津菜，实在非常抵食，而且牛肉都煮得岩岩好，入口唔会太韧荷兰粟子蘑菇芝士扁意粉：三样野唯一要弹既系佢啦！意粉炒得ok,芝士味都好浓郁，但明明个意粉叫粟子蘑菇意粉，点解反转盒底都见唔到1粒粟子既？打返去问餐厅，原来「粟子磨菇」唔系粟子同蘑菇，系一种菇黎！只有菇既意粉卖$65，觉得自己中左伏呀！另外我地仲叫左一个焦糖布丁同伯爵茶布丁，两个都值得一赞！