深深甜品

营业中

休息中

呢个系米芝莲推介嘅甜品店，所以我专登行去深水埗试吓佢。佢哋都好晏先开门，要下昼三点之后。咁我哋今次有五个人去，所以可以点好多唔同嘅嘢。喺𠮶度返工嘅后生女都好好礼貌又好好笑容。由于我哋四点几去，所以系冇乜人，咁我哋点咗几样经典嘅嘢。第一陈皮红豆沙，食落几滑，亦都好有陈皮味！第二马蹄露清心丸，而家清心丸唔系好多地方食到，难得呢度都几好食！清心丸有啲𡁻头第三样波霸芋圆配雪糕，冻冰冰系我个friend先食得到，我就冇乜兴趣！第四样木瓜雪耳炖桃胶，滋润嘅，味道正常啦，同好多糖水舖都差唔多。