影片
更多
2020-01-26
1253 浏览
千色车仔面呢间位于荃湾千色后面嘅车仔面已经连续几年获得米芝莲推介，餐厅细细但系成日都好多人，虽然款式唔算好多但的确好味。同一般嘅车仔面唔同，汤底只有一款，另外可以再选择加唔加辣酱，虽然系咁但佢嘅汤底的确好浓味，而且佢嘅辣酱非常之香同惹味，系成个面嘅精髓。配菜方面，今次试咗卤水鸡翼、响铃、咖喱鱼蛋、鱿鱼、鱼肉、牛柏叶、萝卜。大力推荐佢哋嘅鱼肉，真系非常之滑，又好有弹性，系我暂时食过最好食嘅鱼肉！鱿鱼亦都爽口但系唔韧，用过啲咖喱辣汁腌制，都算唔错。至于其他𩠌菜都正常水准，唔会令人失望。整体来讲个车仔面胜在佢嘅辣汁同埋汤底够正，选项就唔算多，但食落都几惹味，不过如果唔食得辣嘅就可能会觉得逊息咗啲，因为佢大部份配料都系就咁滚熟，如果冇咗个辣汁就会淡味咗啲。价钱方面面底$10，至于啲配菜就有$6至$12不等，平平哋不过份量唔算太多。顺带一提，佢哋系坐低之前系个厨房度落咗order收咗钱先，但系负责煮面嘅𠮶个人经常听唔到客人要啲咩，搞到经常出错，所以大家去食嘅时候记得睇紧啲，make sure佢煮啱你碗面！味道: 4.2/5性价比: 4/5
呢间位于荃湾千色后面嘅车仔面已经连续几年获得米芝莲推介，餐厅细细但系成日都好多人，虽然款式唔算好多但的确好味。
同一般嘅车仔面唔同，汤底只有一款，另外可以再选择加唔加辣酱，虽然系咁但佢嘅汤底的确好浓味，而且佢嘅辣酱非常之香同惹味，系成个面嘅精髓。
配菜方面，今次试咗卤水鸡翼、响铃、咖喱鱼蛋、鱿鱼、鱼肉、牛柏叶、萝卜。大力推荐佢哋嘅鱼肉，真系非常之滑，又好有弹性，系我暂时食过最好食嘅鱼肉！鱿鱼亦都爽口但系唔韧，用过啲咖喱辣汁腌制，都算唔错。至于其他𩠌菜都正常水准，唔会令人失望。
整体来讲个车仔面胜在佢嘅辣汁同埋汤底够正，选项就唔算多，但食落都几惹味，不过如果唔食得辣嘅就可能会觉得逊息咗啲，因为佢大部份配料都系就咁滚熟，如果冇咗个辣汁就会淡味咗啲。
价钱方面面底$10，至于啲配菜就有$6至$12不等，平平哋不过份量唔算太多。
顺带一提，佢哋系坐低之前系个厨房度落咗order收咗钱先，但系负责煮面嘅𠮶个人经常听唔到客人要啲咩，搞到经常出错，所以大家去食嘅时候记得睇紧啲，make sure佢煮啱你碗面！
味道: 4.2/5
性价比: 4/5
143 浏览
0 赞好
0 留言
113 浏览
1 赞好
0 留言
张贴
