影片
更多
2020-04-19
168 浏览
要不是早前看了友人的食评，也不知道嘉咸街有间泰国餐厅，仲要系米芝莲推介泰菜食府，所以已经即时 mark 低咗，趁这天要来旧屋打扫，就顺便过来吃顿晚饭。原来里面嘅地方都几阔落，全店以绿色为主调，装潢光鲜，台与台之间有足够空间，门口仲放咗部笃笃车，可以打卡影相，亦令到餐厅更添泰国气氛！先睇下餐牌，原来晚市系以套餐为主，有多款一人套餐，另外亦有二人及四人套餐。至于散点方面就有主食、沙律、轻食、泰式汤粉、泰式汤类、饮品及甜品等可供选择。我哋拣咗两个一人套餐，每客套餐都会配有一款小食同饮品。米芝莲海南鸡饭 ($90)：鸡饭奉送泰式青瓜沙律同泰式清鸡汤。跟饭的鸡汤非常清甜， 完全无落味精，内有一大件软腍入味的冬瓜。青瓜沙律酸咪咪又带点辛辣，既美味又醒胃。鸡件肉质甚佳，入口皮爽肉嫩，留有肉汁，加上已经去咗骨，吃起来啖啖肉，食得好滋味。金黄色的油饭亦很有水准，入口油香蒜香四散。至于另一个一人套餐就点咗泰式炒金边粉 ($98)：碟金边粉卖相好靓，而且炒得够晒干身，入口爽韧分明，配上青柠汁的酸酸甜甜，加上材料丰富，有大大只的虾、豆干同芽菜，捞埋侧边嘅花生碎一起吃，惹味非常！每客套餐都配有一款小食，我哋拣咗
原来里面嘅地方都几阔落，全店以绿色为主调，装潢光鲜，台与台之间有足够空间，门口仲放咗部笃笃车，可以打卡影相，亦令到餐厅更添泰国气氛！先睇下餐牌，原来晚市系以套餐为主，有多款一人套餐，另外亦有二人及四人套餐。至于散点方面就有主食、沙律、轻食、泰式汤粉、泰式汤类、饮品及甜品等可供选择。
我哋拣咗两个一人套餐，每客套餐都会配有一款小食同饮品。
米芝莲海南鸡饭 ($90)：鸡饭奉送泰式青瓜沙律同泰式清鸡汤。跟饭的鸡汤非常清甜， 完全无落味精，内有一大件软腍入味的冬瓜。青瓜沙律酸咪咪又带点辛辣，既美味又醒胃。鸡件肉质甚佳，入口皮爽肉嫩，留有肉汁，加上已经去咗骨，吃起来啖啖肉，食得好滋味。金黄色的油饭亦很有水准，入口油香蒜香四散。
至于另一个一人套餐就点咗泰式炒金边粉 ($98)：碟金边粉卖相好靓，而且炒得够晒干身，入口爽韧分明，配上青柠汁的酸酸甜甜，加上材料丰富，有大大只的虾、豆干同芽菜，捞埋侧边嘅花生碎一起吃，惹味非常！
每客套餐都配有一款小食，我哋拣咗泰式香茅鸡中翼同串烧猪颈肉，鸡翼大大只，够晒肉地，而且外皮十分脆口，香茅味仲好突出；串烧猪颈肉味道亦唔错，食落爽口有肉汁，正！
跟餐饮品有泰式奶茶、泰式柠檬茶或汽水可供选择，如果想转配泰式特饮，就要另加 $6。临尾仲有甜品送，每人有一小杯椰青大菜糕，清甜爽口，入口透心凉。
餐厅不设加一，埋单唔使二百蚊，十分经济抵食。
张贴
