影片
更多
2022-09-26
101 浏览
今日朋友带我去上环食川菜，名叫「井巷子」。餐厅门口装修清雅，去到先知原来系连续三年得到米芝莲推介嘅餐厅。食完觉得CP值比起夺星嘅餐厅更加高。餐厅逢星期六日都有二人套餐，套餐包括free flow 嘅餐酒，三款餐酒嘅价钱都不同，今次拣咗 G.H. Mumm Grand Cordon NV 香槟。据我所知支酒出面超市卖大概$400，酒量好嘅真系值回票价。头盘：西班牙向日葵甘栗豚叉烧只猪原来好唔简单，佢哋主要食向日葵，栗子及橡果，比普通猪的不饱和脂肪酸含量高出很多，而不饱和脂肪酸能对健康大有裨益。叉烧肥瘦适中，肉质幼嫩，而且外层酱汁好清甜，食落好开胃。井巷子片皮鸭首先面皮够薄，质感实净，酱汁甜中带鲜味。片皮鸭外层松脆，肉质细嫩。大厨包得好好，配料和酱汁嘅比例一流，整件放落口食，超好味。头盘 （任拣四款，重点系无限添加）：夫妻肺片（牛展 牛舌 牛肚)麻辣味做得好平均，唔会话得个辣字，三款牛嘅部位都腌得好入味，而且唔靭，够腍。怪味酱口水鹅矍味道一啲都唔怪，只可以话味道好丰富，辣得好有层次。而且每件鹅翼都起咗骨，唔钟意吮骨嘅啱晒。脆皮茅台乳鵨 乳鸽都几大只，外层松脆，肉质幼嫩，而且有着茅台酒味，
餐厅逢星期六日都有二人套餐，套餐包括free flow 嘅餐酒，三款餐酒嘅价钱都不同，今次拣咗 G.H. Mumm Grand Cordon NV 香槟。据我所知支酒出面超市卖大概$400，酒量好嘅真系值回票价。
头盘：
西班牙向日葵甘栗豚叉烧
只猪原来好唔简单，佢哋主要食向日葵，栗子及橡果，比普通猪的
不饱和脂肪酸含量高出很多，而不饱和脂肪酸能对健康大有裨益。叉烧肥瘦适中，肉质幼嫩，而且外层酱汁好清甜，食落好开胃。
井巷子片皮鸭
首先面皮够薄，质感实净，酱汁甜中带鲜味。片皮鸭外层松脆，肉质细嫩。大厨包得好好，配料和酱汁嘅比例一流，整件放落口食，超好味。
头盘 （任拣四款，重点系无限添加）：
夫妻肺片（牛展 牛舌 牛肚)
麻辣味做得好平均，唔会话得个辣字，三款牛嘅部位都腌得好入味，而且唔靭，够腍。
怪味酱口水鹅矍
味道一啲都唔怪，只可以话味道好丰富，辣得好有层次。而且每件鹅翼都起咗骨，唔钟意吮骨嘅啱晒。
脆皮茅台乳鵨
乳鸽都几大只，外层松脆，肉质幼嫩，而且有着茅台酒味，绝对唔需要点任何酱汁，已经好够味道。
炸排骨（西班牙向日葵甘栗豚）
之前食完头盘叉烧真系唔够喉，所以试埋佢嘅炸排骨。首先个脆浆做得好高质，松脆但唔油腻，能锁住肉汁，真系食唔停口。
主菜：
皱皮椒酸菜煮英国深海鲈鱼
鲈鱼好似豆腐咁滑溜，酸菜汤好creamy浓郁，而且带有鱼鲜味，可能跟重鱼油嘅鲈鱼有关，有别于其他餐厅，第一次将啲酸菜汤饮晒，依度菜真系必食。
腰果辣子鹌鹑脾
脆浆吸收左腰果辣子嘅味道，所以好入味，鹌鹑肉非常鲜味，肉质幼嫩，中间还带点粉红，火候控制得相当好。据我所知鹌鹑营养价值好丰富，还有动物人参之称。之前饮过佢用鹌鹑煲嘅汤，但估唔到炸鹌鹑系咁好味。
主食 ：
剁椒花胶捞饭
炒饭之上铺满一条条厚厚嘅花胶，用料十足，捞埋剁椒一齐食，估唔到带出花胶嘅鲜味。
酸菜海参龙虾球手工面
龙虾够新鲜，海参滑溜又爽口，手工面粗幼适中，而且细滑，配埋个酸菜汤，虽然已经食到好饱，但系都好想食晒佢。
甜品：
松子花生土红糖冰粉，配有黑糖浆、风干咗嘅杞子，味道清甜可口，食完十分满足。
张贴
