井巷子 by 鋒膳 (已結業)

朋友介绍话呢间米芝莲推荐餐厅好正，今日就约埋佢一于试一试~餐厅门口好低调，有种禾秆冚珍珠嘅感觉，入到餐厅整个装修古雅而不失时尚，今次安排咗卡位好有私隐度，最岩同朋友把酒谈心~Freeflow Bruch香槟午膳嘅可食到优质川菜又可享用顶级香槟~ Dom Perigon vintage 2012绝对系顶级中嘅香槟王，味道清新丰盈，初尝有微花香与果香，后续带微薄荷嘅清新~头盘❨壹❩西班牙向日葵甘栗叉烧同井巷子片皮鸭，叉烧大件而厚，肥瘦适中。值得一赞系井巷子片皮鸭，一件件包好，外层香脆内里充满油香鸭皮鸭肉，香甜嘅酱汁刚好，颇有惊喜！头盘❨贰❩可选四款，仲要无限添加！烟熏肥肠十分精致嘅菜式，一大开阵阵烟熏味好出，食落成个口腔都系烟熏味，肥肠脂肪唔多，而且烟熏后，唔油腻~好出色！脆皮茅台乳鸽算是充满惊喜嘅一道菜，茅台可能饮过，但茅台乳鸽真系第一次，食落乳鸽外脆内嫩，带有茅台嘅酒香~炸排骨够酥脆香口，送酒一流~ 推荐头盘必拣夫妻肺片，个麻辣汁真系好正，仲要个底放满莴笋，encore几次！主菜重庆水煮本地鲜牛肉虽说是重庆水煮，但辣度非常微，牛肉质感嫩而滑，而且牛味浓！另一款就职员推荐我哋试下腰果列子