影片
更多
2019-02-26
55 浏览
2019年2月23日。雨。铜锣湾。假日紧系要同亲亲男朋友食下好嘢喇～呢日就嚟铜锣湾食米芝莲级餐厅～玄鮨喺开平道，喺利园附近，近大坑餐厅分开几个部分，有普通餐枱另一边系吧枱，可以食Omakase，见到师傅同食客都倾得好开心～另外仲有包厢，唔同包厢墙纸都唔一样但同样高雅～墙上面挂咗唔同年份嘅米芝莲认证原来连续四年都攞到米芝莲推介见到呢啲Cert就好似信心嘅保证～睇完Cert就睇番餐牌先～午餐有Lunch Set，餐牌只有日文同英文唔识睇日文就睇英文喇～一人嗌一个餐就啱啱好喇～Deluxe Chirashi，$360即系豪华什锦丼日式套餐当然冇咁简单，什锦丼系主角配角有渍物、茶碗蒸同面豉汤非常丰富～近睇一下个豪华什锦丼先～～餐碗本身都好靓～再加埋五颜六色嘅新鲜刺身，未食都留晒口水～～豪华什锦丼果然非常豪华！净系鱼嘅刺身都成五六种，食得出嘅有池鱼、鲭鱼、鲷鱼，仲有最惊喜嘅拖罗！有两件厚切拖罗，系我人生中食过最最最入口即融嘅拖罗食落软绵绵，咬落去会感受到油脂爆出嚟嘅瞬间，油香四溢～另外要大赞嘅系海胆，只有纯粹嘅鲜甜味，一啲都唔腥就连平时惊食海胆会有奇怪汽油味嘅男朋友试完都大赞好味～其他赤贝、带子
假日紧系要同亲亲男朋友食下好嘢喇～
呢日就嚟铜锣湾食米芝莲级餐厅～
玄鮨喺开平道，喺利园附近，近大坑
餐厅分开几个部分，有普通餐枱
另一边系吧枱，可以食Omakase，见到师傅同食客都倾得好开心～
另外仲有包厢，唔同包厢墙纸都唔一样
但同样高雅～
墙上面挂咗唔同年份嘅米芝莲认证
原来连续四年都攞到米芝莲推介
见到呢啲Cert就好似信心嘅保证～
睇完Cert就睇番餐牌先～午餐有Lunch Set，餐牌只有日文同英文
唔识睇日文就睇英文喇～
一人嗌一个餐就啱啱好喇～
Deluxe Chirashi
$360
1 浏览
0 赞好
0 留言
Deluxe Chirashi，$360
即系豪华什锦丼
日式套餐当然冇咁简单，什锦丼系主角
配角有渍物、茶碗蒸同面豉汤
非常丰富～
Deluxe Chirashi
$360
12 浏览
0 赞好
0 留言
近睇一下个豪华什锦丼先～～
餐碗本身都好靓～再加埋五颜六色嘅新鲜刺身，未食都留晒口水～～
豪华什锦丼果然非常豪华！
净系鱼嘅刺身都成五六种，食得出嘅有池鱼、鲭鱼、鲷鱼，仲有最惊喜嘅拖罗！
有两件厚切拖罗，系我人生中食过最最最入口即融嘅拖罗
食落软绵绵，咬落去会感受到油脂爆出嚟嘅瞬间，油香四溢～
另外要大赞嘅系海胆，只有纯粹嘅鲜甜味，一啲都唔腥
就连平时惊食海胆会有奇怪汽油味嘅男朋友试完都大赞好味～
其他赤贝、带子、虾都好大只，味道十分鲜甜～
喺众多材料之中，有件同其他刺身、海鲜好似格格不入嘅嘢
就系喺海胆隔篱黑白色嘅𠮶件，佢原来系菇夹鱼板
呢个配搭好特别，而且好好味～～～～
整碗丼每一样食材都美味可口，就连饭都捞咗好似XO酱嘅调味料
精致鲜美～
Sashimi Lunch
$330
7 浏览
0 赞好
0 留言
Sashimi Lunch，$330
呢个刺身套餐系男朋友嘅
配菜同样有渍物同面豉汤，另外有煮物（笋&南瓜）同埋白碗
Sashimi Lunch
$330
7 浏览
0 赞好
0 留言
刺身摆盘心思十足，造型满分～
最特别嘅一样系鱿鱼夹青瓜，颜色上已经配搭得好靓
摆咗落口就知道呢两样食材嘅质感经过深思熟虑达致平衡
鱿鱼厚身新鲜，口感香糯，咬多几下会感觉浆住喺嘴
呢个时候青瓜嘅爽脆清甜就发挥作用，冲走因香糯口感而产生嘅腻滞感
取得平衡～
焦糖布丁
5 浏览
0 赞好
0 留言
焦糖布丁，$0
Lunch Set最后可以拣甜品或者咖啡
当然要试下甜品喇～
呢个鸡蛋布丁蛋味香浓，淋上焦糖做点缀
贴心嘅服务就系甜品羮都系冻嘅，确保以最佳食具享用美食
整个午餐食完令人齿颊留香，回味无穷～不愧为米芝莲之选～
张贴
