天天海南雞飯 (ELEMENTS圓方)

营业中

休息中

今日去左圆方行街街，行到攰就上网睇下附近餐厅有咩推介。见到呢间新加坡餐厅系米芝莲级数就去试下。餐厅环境好大，食饭时间7:00见到都几多人，座位都舒适阔落，我哋一坐低店员就介绍餐牌同上咗一壶热茶，好好服务。天天海南鸡拼烧鸡 : 🌕🌕🌕🌕🌕因为系第一次食所以就试晒海南鸡同烧鸡，果然系米芝莲级数，海南鸡好滑鸡油味好足。第一次食海南鸡唔点酱汁，都已经好好味。烧鸡，个皮烧到卜卜脆。但系鸡肉食落都仲保持到滑身嘅口感👍🏻证明佢哋啲鸡真系得!鸡油饭 : 🌕🌕🌕🌕🌕鸡油饭有分大锅细锅，因为我哋两个人就点咗个细锅，份量好足，鸡油味好香，啲鸡油饭系粒粒分明。我哋两个人食，每人都有两碗饭。罗勒街头小食拼盘 : 🌕🌕🌕🌕🌕啱晒想试晒咁多样嘢嘅我，入面有虾饼、春卷、虾片、肠仔、串烧。