FLAT IRON STEAK

营业中

休息中

一个人尼食，满满惊喜😋一上到尼侍应姐姐态度好好主动加水比你，见客人食到一半左右就上前问你食物质素如何；净系呢点起码已经完胜香港8成食肆。虽然餐厅内灯光比较暗，可能系气氛啦只系我唔识欣赏😅叫左一份平铁牛扒同龙虾芝士通心粉，性价比超水准👍🏻牛扒我叫左5成熟，上菜果下真系比佢个份量吓亲，因为真系好大块🤤作为食肉兽嘅我睇到咁大块真系好开心。牛扒少少雪气都无，好够肉汁又厚肉🫰🏻薯条系即炸嘅虽然都有盐但唔会死咸，沙律菜份量都比得好多😋另外一个龙虾芝士通心粉，虽然份量比较少但品质都系一流😝如果你系芝士控系一定要叫呢个食🧀🧀🧀我食哂个牛扒先食个粉，都仲好够热👍🏻本身仲想试埋佢地个88蚊有6只法国生蚝，不过太饱所以无叫到唯有下次先试🫠整体呢间餐厅我一定会再帮衬。如果要讲缺点嘅话我唯一觉得系通风嘅问题，因为有d局促🫣今日星期日应该会多人食至系，但我当晚7:30都系得4枱客😮‍💨咁高质嘅餐厅人气竟然咁少真系好戥佢地唔抵，所以想借此顺便帮佢地宣传下。