影片
更多
2016-06-07
747 浏览
唉，话时话宜家闲闲地系旺角，铜锣湾食串牛什都成30蚊，真系贵到离晒谱！今日老公话话听同事讲，有间米芝莲餐厅系食牛架噃，带埋我去，Yeah, Let's go！餐厅系油麻地站B2出口，上到地面过一条马路就到啦！店舖唔算大，装修好有六，七十年代既感觉，几有特色！我地叫左两个常餐，金牌咖哩薯仔三宝饭+咖哩牛筋牛肚饭:三宝饭𩠌菜包括牛腩牛肚牛脷。牛腩，牛脷各有三件，牛肚就较多，牛腩分三种，爽腩，崩沙腩，坑腩，唔知呢个系用咩腩呢？我个人最中意牛腩，牛腩十分嫩滑，一D都唔un，食完唔会摄住啲牙，肥瘦度适中，瘦肉部分比较多，亦十分爽口，难怪可以成为连续五年米之莲推介！而牛肚就爽口弹牙，牛脷属于厚切，厚度大概有0.5cm厚，鲜香爽口，肉质细腻，三宝都系佳品！至于咖哩，系巴基斯坦咖哩，起初以为东南亚地区既咖哩会好辣好呛喉，但原来好甜，似日本既甜咖哩咁，用啲咖哩用黎送饭一流！另外，我地唔够喉，叫左个奶油猪Share~奶油猪脆卜卜，新鲜热辣上枱，配合牛油同炼奶，甜甜地好开胃，而且价钱唔贵，大大个都止系$15咋！值得一赞系呢度既特饮，我地叫左常餐加$6有特饮，叫左"咸柠檬蜂蜜"同"蜂蜜姜汁薏米"，咸柠檬蜂蜜，
餐厅系油麻地站B2出口，上到地面过一条马路就到啦！店舖唔算大，装修好有六，七十年代既感觉，几有特色！
我地叫左两个常餐，金牌咖哩薯仔三宝饭+咖哩牛筋牛肚饭:三宝饭𩠌菜包括牛腩牛肚牛脷。牛腩，牛脷各有三件，牛肚就较多，牛腩分三种，爽腩，崩沙腩，坑腩，唔知呢个系用咩腩呢？我个人最中意牛腩，牛腩十分嫩滑，一D都唔un，食完唔会摄住啲牙，肥瘦度适中，瘦肉部分比较多，亦十分爽口，难怪可以成为连续五年米之莲推介！而牛肚就爽口弹牙，牛脷属于厚切，厚度大概有0.5cm厚，鲜香爽口，肉质细腻，三宝都系佳品！至于咖哩，系巴基斯坦咖哩，起初以为东南亚地区既咖哩会好辣好呛喉，但原来好甜，似日本既甜咖哩咁，用啲咖哩用黎送饭一流！
另外，我地唔够喉，叫左个奶油猪Share~奶油猪脆卜卜，新鲜热辣上枱，配合牛油同炼奶，甜甜地好开胃，而且价钱唔贵，大大个都止系$15咋！
值得一赞系呢度既特饮，我地叫左常餐加$6有特饮，叫左"咸柠檬蜂蜜"同"蜂蜜姜汁薏米"，咸柠檬蜂蜜，斋睇名就知道呢杯味道比较复杂，起初试第一啖时觉得好咸，但之后就感觉有d甜味系口中，味道好有属次感。蜂蜜姜汁薏米就好有新意，所谓姜汁唔系用姜汁加入饮品中，而系真系有姜粒架！杯野够晒甜tim，消暑一流！
米芝莲，竟然唔使$150埋单，仲不设加一，大家识拣啦？
张贴
