西關老祖 (文苑樓)

营业中

休息中

今日做完身体检查喺附近揾嘢食，见到呢家米芝莲外卖店特登过嚟拜访一下。西关濑粉配炸肉粽同平时食嘅濑粉唔同，呢个比较似米通粉嘅西关濑粉，食起嚟比较有咬口，唔系汤而系汁去配搭嚟食，加埋超香嘅猪油渣，味道更加浓，佢仲有D虾米仔，冬菇同蒜咁嘅配料，香上加香。炸肉粽，我系第一次食，觉得好好味，好似饭焦咁，炸咗又更加多一重香气，咬落软糯，又有粽嘅肉同肥膏，邪恶又好食！绿豆沙同红豆沙唔会太甜，但好足料 ，分别有落臭草同陈皮，同埋煮到起晒沙，唔太甜食得仲舒服，用个杯装密封左又唔怕倒泻，赞！仲有个极黑黯然销魂饭，佢嘅叉烧用上黑豉油烹调，食落味道独特，加上佢嘅猪肉系黑毛猪肉，真系另一个级别嘅好味。