第一腸粉專賣店

营业中

休息中

同男朋友7点几o系太子, 好多餐厅都劲多人，就行入少少食多次第一肠粉。位于太子的第一肠粉曾是米芝莲推介，都几有期望。不过地方就比较入，但都易揾的。去到见到好多人都系一个人去食，一入到去自己揾位坐低，入面menu有的10只手指数得哂。肠粉专门店系咁上下，我见两个人又唔系太饿，就点少少试下，再转场食下一餐！菜干猪骨粥，好有家庭的味道，粥底好绵，加埋有几旧咸香的猪骨，已经煲到好淋，骨带著小小肉，又有肠原，我相信女士应该好钟意。另外菜干打碎左再煲，每一啖都好香，加埋鸭肾令个粥多左一份怀旧的感觉。猪润有姜汁味，几爽口，唔会好粉。而鸭丝无乜特别，普普通通。整体算系不过不失，肠粉胜在即叫即做，够热，而且平平地，系一个晚餐的最佳选择。整体来讲肠粉皮薄，馅又多，而且入面的馅都系出面茶楼冇得试的款式。见到好多人都叫第一肠粉，下次试下先。