影片
更多
2021-09-22
962 浏览
小店位处于北角内街，铺面唔大，装修都几有现代感，店内仲有好有趣嘅壁画。星期一至五都有午市套餐，比起原装餐牌价钱优惠，第一次嚟就点咗佢招牌古滑鸡饭，另外+$15餐饮转三色奶茶，仲点咗另一王牌辣椒板面，餐饮+$2冰糖龙眼肉冬瓜茶墙上除咗有可爱壁画，仲有米芝莲推介认可，睇啲贴纸由2016年起佢哋每年都保持认可，以米芝莲美食嚟讲呢个午市价钱相当亲民。点餐后店员上咗一小碟腌菜同辣椒加豉油，表示系跟鸡饭。好快鸡饭上菜，鸡肉真系好滑，酱汁偏甜，出奇地鸡下面用咗猪耳垫底，点辣椒豉油味道就会盖过酱汁，算另一口味食法。饭上面有啲炸干葱，仍然系好脆，鸡饭除咗带鸡汁味，仲有好重嘅蒜头味，但饭边完全食唔到蒜头。三式奶茶配以环保饮管上枱先饮一口，椰糖非常香，同奶茶捞匀之后，椰糖味就冇咁出。枱面除咗有酒精搓手液，仲盒黑色一粒粒，完全睇唔出系咩？但当辣椒板面嚟到之后见到上面其中一种配料就同台面上嘅一样，试食咗发现应该系一啲辣椒干葱鱼干虾米产物。辣椒板面配一碗鱼丸菜汤，除咗胡椒味之外仲带有鱼味，令我谂起港式捞面嘅上汤。如果辣椒板面捞匀之后觉得唔够辣，可以随时再加呢种配料，同市面一般星马菜唔同，菜式辣度比市面餐厅高，而且
墙上除咗有可爱壁画，仲有米芝莲推介认可，睇啲贴纸由2016年起佢哋每年都保持认可，以米芝莲美食嚟讲呢个午市价钱相当亲民。
点餐后店员上咗一小碟腌菜同辣椒加豉油，表示系跟鸡饭。好快鸡饭上菜，鸡肉真系好滑，酱汁偏甜，出奇地鸡下面用咗猪耳垫底，点辣椒豉油味道就会盖过酱汁，算另一口味食法。饭上面有啲炸干葱，仍然系好脆，鸡饭除咗带鸡汁味，仲有好重嘅蒜头味，但饭边完全食唔到蒜头。三式奶茶配以环保饮管上枱先饮一口，椰糖非常香，同奶茶捞匀之后，椰糖味就冇咁出。
枱面除咗有酒精搓手液，仲盒黑色一粒粒，完全睇唔出系咩？但当辣椒板面嚟到之后见到上面其中一种配料就同台面上嘅一样，试食咗发现应该系一啲辣椒干葱鱼干虾米产物。辣椒板面配一碗鱼丸菜汤，除咗胡椒味之外仲带有鱼味，令我谂起港式捞面嘅上汤。如果辣椒板面捞匀之后觉得唔够辣，可以随时再加呢种配料，同市面一般星马菜唔同，菜式辣度比市面餐厅高，而且先食到食材嘅味，辣味先再慢慢涌上嚟。冬瓜茶除咗有原个龙眼肉，仲有一啲冬瓜碎屑，要嚟解辣真系冇得顶~
张贴
