阿利水韓國料理 (已結業)

厚福街愈黎愈多食店，平日我都比较多光顾大厦嘅日本菜，今日收工同男朋友黎到8楼嘅阿利水韩国料理，食下韩国菜。餐厅位置唔算好多，装潢传统、地道，唔系好新式嘅韩国餐厅，用上木枱木梳化櫈，晚市未坐满，但都有唔少客人，有啲烧肉、有啲食韩国料理。店员安排我地坐喺靠窗位置，环境舒适。揭开餐牌先见到佢地原来曾被定为米芝莲食府之一，真系弱弱唔知道。个人对于米芝莲嘅评定标准冇乜意见，亦好少作为平日食饭嘅参考。餐牌供应多款韩国菜，韩式烧肉、焖炒类、烤鱼、煎饼、饺子、火锅、拌饭、炒饭、面食，定价中上，所以我地两个都系点左两款食物。如果要烧肉可能要多几个人分享。点单不久后，店员就送上前菜，新式嘅韩国菜好少会供应咁多款式，一般传统嘅韩国餐厅都会有约莫6-10碟。当然啦，每碟嘅份量都唔算好多，相信系按人头份。沙律味道唔错，可能加左少少梨汁，入口酸甜，几清新另外泡菜、芽菜、豆角、西兰花呢啲都系中规中矩。海鲜豆腐脑辣汤 $150汤品方面选择都多，人参鸡汤、大酱汤、豆腐辣汤、牛排汤、牛尾汤、牛骨汤等，定价相约。点左个比较简单嘅海鲜豆腐汤，一人份量，附上白饭一碗，价位都系米芝莲级啊，好在都系几多料，有大量豆腐，泡菜、鸡蛋、