福臨門 (利文樓)

营业中

休息中

平日既星期四一家4口7:30pm嚟食，想食嘅原因系因为佢拎过米芝莲，而且系香港一间好出名嘅名人饭堂，所以专登过嚟试吓。现场所见只有四至五台客，虽然知道佢价钱唔平，但系食客嘅数量比以前已经大不如前，正正因为咁，希望衬福临门仲喺度嘅时候去试一次。🥢 琵琶豆腐 $280大概有8至10件，味道系正常，只可以讲性价比唔高🥢 炆牛筋腩煲 $360份量好大，牛腩牛筋都唔少，两样都煮得好入味同埋好淋，算系抵食🥢 当红炸子鸡半只 $400皮够脆，肉都够嫰，只鸡唔系好大只，所以份量系偏小🥢 油泡大虾球 $390八只虾，系用虎虾，虾嘅大小系正常，唔大唔细，用油泡整，可以保留虾嘅鲜味，味道好，但份量少，性价比唔高🥢 蛋黄八宝鸭半只 $300全晚最抵食系依个，首先只鸭整得好淋，好入味，配料又多，有莲子、栗子、绿豆。。。好够饱，缺点系等40分钟🥢 合桃露 $60/碗新鲜磨，有好多细小既合桃碎，偏向淡味，因为真系无添加，如果钟意食合桃露嘅人可以试一次依家香港有历史嘅食肆已经买少见少，所以希望仲有依啲食肆喺度之前，都想去试下，感受下名气嘅味道。