影片
更多
2023-11-25
5495 浏览
旧同学由外地返嚟饭聚，同学提议试吓一间高级传统粤菜食府「家全七福」，连续两年获得米芝莲推介。餐厅位于酒店三楼，中菜厅格局，楼底高，墙上有中国画装饰，我哋一行八人，安排坐大圆枱，座位宽敞，都见到大部份系游客嚟帮衬。乳猪需预先落订，另留起叉烧及炸子鸡。◈ 大红片皮乳猪全体 $2000餐厅招牌菜式，需预先落订，以前去饮宴都经常食到乳猪全体，近年比较少遇到。乳猪以炭火烤制，第一食先食脆皮，外皮烤得酥脆，油香四溢，刀工了得，皮下保留薄薄一层脂肪，配上甜面酱、酸菜，大葱丝，千层饼夹住食，感觉会吸减啲油，减低肥腻感。享用完脆皮部份，店员会攞返入厨房，随后会上第二食乳猪斩件同猪骨，肉质嫩滑，唔太瘦亦唔肥腻，无多余肥膏，调味刚好，唔会过咸。◈ 蜜汁叉烧 (例) $420米芝莲推介必食叉烧，肥瘦比例各占一半，所谓嘅半肥瘦，切得有厚度，肉质软腍松化，肥嘅位置有咬口，蜜汁清甜又唔会盖过叉烧原味道，最紧要烧烤完，肉汁依然被锁住够晒juice。◈ 当红炸子鸡 (1只) $600唔算好大只，外表炸得金黄油亮，皮真系炸得非常脆，入口嚓嚓声裂开，鸡肉紧致嫩滑，有肉汁，鲜鸡味浓，一啲都唔肥。◈ 榄菜干煸四季豆 $200唔
大红片皮乳猪全体
762 浏览
1 赞好
0 留言
◈ 大红片皮乳猪全体 $2000餐厅招牌菜式，需预先落订，以前去饮宴都经常食到乳猪全体，近年比较少遇到。乳猪以炭火烤制，第一食先食脆皮，外皮烤得酥脆，油香四溢，刀工了得，皮下保留薄薄一层脂肪，配上甜面酱、酸菜，大葱丝，千层饼夹住食，感觉会吸减啲油，减低肥腻感。
享用完脆皮部份，店员会攞返入厨房，随后会上第二食乳猪斩件同猪骨，肉质嫩滑，唔太瘦亦唔肥腻，无多余肥膏，调味刚好，唔会过咸。
蜜汁叉烧 (例)
116 浏览
0 赞好
0 留言
◈ 蜜汁叉烧 (例) $420
米芝莲推介必食叉烧，肥瘦比例各占一半，所谓嘅半肥瘦，切得有厚度，肉质软腍松化，肥嘅位置有咬口，蜜汁清甜又唔会盖过叉烧原味道，最紧要烧烤完，肉汁依然被锁住够晒juice。
当红炸子鸡
120 浏览
1 赞好
0 留言
◈ 当红炸子鸡 (1只) $600
唔算好大只，外表炸得金黄油亮，皮真系炸得非常脆，入口嚓嚓声裂开，鸡肉紧致嫩滑，有肉汁，鲜鸡味浓，一啲都唔肥。
榄菜干煸四季豆
119 浏览
1 赞好
0 留言
◈ 榄菜干煸四季豆 $200
唔系咩名贵食材，但干煸得够晒火喉，四季豆表面皱皱的，口感焦香干脆，唔会过谂，加埋榄菜嘅咸鲜，增加风味。
鱼香茄子炆伊面
644 浏览
0 赞好
0 留言
◈ 鱼香茄子炆伊面 $450
上枱已经阵阵咸鱼香，茄子棉滑索汁，加埋肉碎爆得好香，馅料多，伊面有弹性，唔会过谂，炆得入味，唔肥腻，只碟唔会有多余嘅油滰住，大厨煮得出色，全晚我最钟意。
生炒牛肉饭
303 浏览
1 赞好
0 留言
有云要知道厨师真功夫，就应该要试炒饭，平凡嘅炒饭要炒得好食并唔简单。牛肉松软咸香，加埋鸡蛋葱花简直绝配，时间同火喉控制得好好，生菜丝微软依然保持爽口，饭炒得粒粒分明，系每粒饭都会被蛋包住嘅黄金炒饭，尽显厨师功架。
菠萝咕噜肉
189 浏览
0 赞好
0 留言
◈ 菠萝咕噜肉 $420
够镬气，糖醋汁酸甜度足够，但猪肉系切薄片，炸得干咗啲，我哋都有食净。
蛋白杏仁茶、生磨合桃露
190 浏览
1 赞好
0 留言
◈ 蛋白杏仁茶 (位) $80
杏仁味好香浓，一丝丝蛋白够滑够多，融入杏仁浆口感幼滑细腻。
◈ 生磨合桃露 (位) $80
有点失望，浠咗啲，唔够浓郁。
粤菜嚟讲算贵价，当然会有更高期望，菜式有出色嘅，亦有点失望位。埋单$5758，当我哋离开嘅时候，先发现门口贴有张海报，用汇丰咭埋单可享九折，可惜发现得太迟，埋单时店员亦无提及，食客去帮衬就可以留意下。
#家全七福地址：湾仔骆克道57-73号粤海华美湾际酒店3楼
张贴
