影片
更多
2018-08-07
1185 浏览
一向唔太好烧味，返工lunch更加未食过。今日忽然心血来潮好想食烧肉油鸡饭，一放lunch就周围去揾。系上环揾烧腊舖好易，但系要揾一间价格相宜嘅就有难度喇。上菜系极快，左面待应落完单，右面已经上例汤，呷咗一淡，左面碟饭就已经嚟咗，跟手右面就递张单嚟，真系目不暇给呀。例汤嘛，就系例汤…碟饭上枱时，差啲咇一声笑出嚟。全部烧肉系头上脚下咁插入饭里面，好似唔知乜野意外现场咁。将佢地反转，见到好多都无皮，有皮既就算由外观都睇得出唔脆。可能因为烧肉切得太细，碎湿湿所以容易甩皮甩骨，好难觉得自己食紧烧肉。肉就几淡，通常最咸既沙梨笃都淡而无味，可想而知其他部份有几淡口，唯有同鸡一样点姜蓉调味啦。鸡只有甜豉油味，脂肪以系烧味店嚟讲唔算多，但都系缺乏鸡味，不过好在都算几滑。公平咁讲，呢度比起其他一般烧味店唔算差。 听讲话系米芝莲食府，好似有啲夸张㖞，定系我对米芝莲期望过高呢?
上菜系极快，左面待应落完单，右面已经上例汤，呷咗一淡，左面碟饭就已经嚟咗，跟手右面就递张单嚟，真系目不暇给呀。
例汤嘛，就系例汤…
碟饭上枱时，差啲咇一声笑出嚟。
全部烧肉系头上脚下咁插入饭里面，好似唔知乜野意外现场咁。将佢地反转，见到好多都无皮，有皮既就算由外观都睇得出唔脆。可能因为烧肉切得太细，碎湿湿所以容易甩皮甩骨，好难觉得自己食紧烧肉。肉就几淡，通常最咸既沙梨笃都淡而无味，可想而知其他部份有几淡口，唯有同鸡一样点姜蓉调味啦。
鸡只有甜豉油味，脂肪以系烧味店嚟讲唔算多，但都系缺乏鸡味，不过好在都算几滑。
公平咁讲，呢度比起其他一般烧味店唔算差。 听讲话系米芝莲食府，好似有啲夸张㖞，定系我对米芝莲期望过高呢?
张贴
